صفحة منابر ثقافية على التويتر صفحة منابر ثقافية على الفيسبوك


العودة   منتديات منابر ثقافية > المنابر الأدبية > منبر القصص والروايات والمسرح .

أهلا بآل منابر ثقافية

« آخـــر الـــمـــشـــاركــــات »
         :: لولا الحشـــــــرات ما كانت ثمــــــــرات ![/color][/size][/font] (آخر رد :سرالختم ميرغنى)       :: كتب الاستشراق ليست كلـــــــها شـــــــرا ! (آخر رد :سرالختم ميرغنى)       :: اللعــــبتان الخـــالدتان (آخر رد :سرالختم ميرغنى)       :: مشمش الأحداق ..! (آخر رد :مازن الفيصل)       :: يَا لِرَوْعة أعْيَاد زَمَان! (آخر رد :مها عبدالله)       :: |||مَاذَا قَالُوا .. عَنْ .. ||| (آخر رد :مها عبدالله)       :: صَدق أوْ لا تُصدقْ ..!! (آخر رد :مها عبدالله)       :: لا لا لا لا .... لاءات منـــــــــابر (آخر رد :مها عبدالله)       :: °● الحــرف الـ 29 ♘ (آخر رد :مها عبدالله)       :: كن ذكيآ (آخر رد :مها عبدالله)      

إضافة رد
 
أدوات الموضوع
قديم 07-06-2013, 07:26 AM   #1

رضا الهجرسى

من آل منابر ثقافية

 
الصورة الرمزية رضا الهجرسى

 
تاريخ التسجيل: Jun 2013
الدولة: القاهرة ..مصر
المشاركات: 138
معدل تقييم المستوى: 7
رضا الهجرسى is on a distinguished road
افتراضي اخلع..يا ويكا ..قصص ساخرة ..

اخلع.. يا ويكا
حلقات ساخرة



الخلع الأول

جنة الخلع

جلس قاضينا سعيدا على منصة القضاء ..فهذه أول مرة يجلس فيها وحده على منصة القضاء ..ويحكم فيها دون أن يكون هناك مستشار أيمن أو أيسر ..وأخذ يحدث نفسه ..
- هي صحيح قضية خلع بسيطة وسهلة ..والنهاردة هنطلب شاهد من أهلها وشاهد من أهله ونخلص ..إنما برضة.. أهى بداية ...
ينظر للحاجب .. لينادى على القضية الأولى ..
- محكمة ..القضية رقم تلاتاشر ...
- أيه النحس ده بأه ..أول قضية ليه يكون رقمها تلاتاشر
إتأكد يا ابنى ..
- يا فندم ..الرقم مكتوب على ملف القضية ..رقم تلاتاشر ..
- طيب خلصنا ..ونادى عليهم..
- قضية خلع.. رقم تلاتاشر..المرفوعة من السيدة شادية فتحى
على زوجها اسماعيل عبد الوهاب..
تتقدم إمرأة طاعنة فى السن تجاوزت الثمانين عاما ناحية المنصة منحنية الظهر يسندها رجل عجوز تخطى الستين من عمره
و إمرأة فى الستين من عمرها ..يسيرون جهه المنصة فى بطء شديد وهم يلهثون ..ينظر إليهم قاضينا فى ذهول ..ويوجة كلامه ..إلى المرأة التى تسند العجوز ..
- على مهلكم ..على مهلكم خالص..خدوا نفسكم ليه بس يا ست
شادية ..تعبتى تيتة الحاجة وجبتيها معاكى احنا لسه مطلبناش
شهود...
- مش أنا يا ابنى..شادية...دى أمى شادية.. أنا بنتها ..بثينة ..
- أهلا.. ما هو اليوم باين من أوله ..مش رقم تلاتاشر ..
عايزة تفهمينى يا ست بثينة ..إن تيتة الحاجة دى هى اللى
رافعة قضية الخلع ...وأنت مين يا والدى ..
أكيد اسماعيل اللى تيتة الحاجة عايزة تخلعه ..
- لا يا ابنى ..أنا محمود ..إبنها ..
- أبن مين ..
- أبن شادية ..
- سترك يا رب ..يعنى عايزين تفهمونى أن دى شادية اللى رافعة
قضية خلع على اسماعيل..و أنت أبنها محمود ..
وهى بنتها بثينة ...صح كده..
- ما شاء الله يا ابنى.. مخك كبير ..
ربنا يحرسك م العين يا حبيبى ..هو كده.. صح...
- سترك يا رب...يا ست شادية...يا ست شادية ..
هى مش سمعانى ولا أيه ..
- كلمى يا ماما ..القاضى ..
- راضى ..هو راضى ابنك جه معانا..
- لا يا ماما ...القاضى..مش راضى ..
- آه ه ..القاضى ..اللى بيخلع ..
- أيوه يا ماما ..القاضى اللى بيخلع..
- ماما .. ماما أيه يا حاج..
أيوه يا جدتى..أنا القاضى اللى بيخلع..
- طب مستنى أيه يا واد ..أخلعهولى ..
- هو مين ..
- اشماعيل ..
- اشماعيل مين ..يوووه..اسماعيل مين
- أشماعيل جوزى ..يا واد ..
محمود وبثينة فى رجاء
- أرجوكى يا ماما.. أرحمينا... وكفاية فضايح ..
- لغاية كده كفاية..أنا ولادى كلهم فى مراكز حساسة وهتفضحينا..
- بطل يا واد أنت وهى ..هخلعه ..يعنى ..هخلعه ..
يجهش محمود وبثينة فى البكاء ..ويلهثون ..ويتنفسون بصعوبة يقفز قاضينا من على المنصة ويسند السيدة قبل أن تسقط ..سقط محمودعلى الأرض وهو يتنفس بصعوبة وأرتمت بثينة على أقرب مقعد وهى تجهش فى البكاء..
أخذ قاضينا يصرخ ..
- يا اخوانا ..مفيش دكتور فى الجلسة..عايزين دكتور ..للتلاتة يشير للحاجب
- تعالى يا ابنى شيل معايا ندخلهم المكتب عندى ..
بأه يا ربى أول قضية ليه ..تبقى ميتة ..بتخلع ميت ..
شيل يا ابنى ..شيل ..
التف من حول قاضينا الرجال الموجودة بالجلسة وحملوهم وأدخلوهم مكتب القاضى ..حضر الدكتور..وأخذ يتنقل بين الثلاثة حتى أفاقوا وأستردوا ..أنفاسهم وأخرج القاضى الجميع..
- هه..أحسن دلوقتى ..وختوا دواكو ..طلعونى بأه من المتاهة
العجيبة دى..وواحدة ..واحدة كده..قبل ما حد منكم يفيص
ده يوم أسود عليه..وعلى القضاء كلة..
فهمينى يا تيتةالحاجة..أنتى عايزة تخلعى اسماعيل ...ليه..
- وأنت مالك أنت ...عايزة أخلعه وخلاص..وقالولى.. إن انت اللى
بتخلع ..أخلعه من سكات ..
- كده ..تقوليلى إخلعه ..فاخلعه ..مش أعرف السبب الأول ..
- أنت حشرى كده ليه ..أنت مالك أنت ..أنت عليك تخلعه وبس..
- يا ماما ده القاضى اللى هيحكم ..ولازم يعرف السبب..
- أيوه يا ماما ..لازم يعرف عشان يحكم...
- لازم يعنى ..
- لازم يا تيتة أعرف ...
- طيب يا ابنى أمرى لله .. كان يا ابنى ..عشرته وحشة ..
وبتاع نسوان ..ضيع ثروته وفلوسه عليهم ..مفتكرلوش حاجة
حلوة ..عشرته كلها مرار..فى مرار ..
وكلة كوم وقسوته ع العيال دىكوم تانى ..
يجهش محمود وبثينة فى البكاء والنهنهه ..
- لا ..أبوس أديكوا ..أتماسكوا شوية ...طب هو فين جدنا اسماعيل
محضرش الجلسة ليه..
- والدى ياابنى ميقدرش ييجى ..لأنه مشلول ومبيتحركش من على
سريره وقاعد عند أختى بثينة هى اللى بتراعية
بقاله خمستاشر سنة ع الحال دى..اليومين دول ..
الدكاترة أجمعوا..أن السر الآلهى ممكن يطلع أى وقت ..
وماما لما عرفت أنه هيودع خلاص ..صممت ترفع قضية الخلع ..
- يا مثبت العقل والدين يا رب ..هو خلاص يا تيتة هيتخلع م الدنيا
هتخلعى فيه أيه تانى ..
- بعد الشر عليه ..ويطول فى عمره..
- بتدعيله بطولة العمر..
- لحد ما اخلعه بس..يسترك يا ابنى ..أخلعهولى قبل ما يموت ..
- شوفى بأه ..أنا يعرف السبب الحقيقى ..وألا.. أنا اللى هخلع
من القضاء كله..ومش هخلعهولك..راجل مشلول بقاله خمستاشر
سنة ..قاعد عند بنته وأنتى قاعدة عند أبنك..
يعنى لا ..بتشوفيه ولا بيشوفك...وعايزة تخلعيه..
ماهو مخلوع م الدنيا لوحده ..لأ.. أنالازم أعرف السر..
- يعنى لازم تعرف السر الأول..
- لازم .. وألا هيحصلى حاجة وطب ساكت بين أديكى ..
- طب أقرب لى ودنك ..عشان العيال ..متشمعش..
- أدينى قربت ..وأدى ودانى ..
- بأه أنا شمعت يا ابنى ..إن الست إذا مات جوزها وهى على
ذمته ..لما تموت بتعاشره فى الجنة ...
وأنا يا ابنى مطقتش عشرته فى الدنيا ..
يبقى هطيق أزاى عشرته فى الجنة..
إخلعه يا ابنى قبل ما يموت الله يسترك ..
وألا هضطر أعاشره فى الجنة..
أنفجر قاضينا فى ضحك هستيرى ..
نادى على الكاتب وهو غارق فى الضحك المتواصل
- أكتب يا ابنى..قررنا نحن ..أكتب الأسم ..فى القضية رقم تلاتاشر
بتطليق شادية كمل الأسم ..طلقة بائنة..خلعا من أسماعيل ..
كمل الأسم ..
أكتب تحت وبخط عريض وكبير وواضح

حتى لا تعاشره فى الجنة


من مواضيعي
0 ملك درب القطة .. مسرحية كوميدية
0 رهان مع إبليس .. رواية
0 زغرودة الموت ..قصة
0 عتق رقبة .. قصة قصيرة
0 الهالة و الملعون .. رواية

رضا الهجرسى غير موجود حالياً   رد مع اقتباس
قديم 07-06-2013, 12:26 PM   #2

ايوب صابر

نائب المشرف العام للأقسام

 
الصورة الرمزية ايوب صابر

 
تاريخ التسجيل: Sep 2009
المشاركات: 12,768
معدل تقييم المستوى: 23
ايوب صابر is on a distinguished road

اوسمتي

افتراضي

اشكرك اولا لاستجابتك لطلبي وكما توقعت هي حتما تستحق النشر . ما يميز هذا النص الحوار الذي يجعل الشخصيات وكانها حية وهومؤشر على قدراتك السردية . وعلى الرغم ان النص مكتوب باللغة المحلية لكنني لم اجد صعوبة فهم القصة . سأعود لقراءة معمقة لكني وجدت النهاية مشوقة وفيها انقلاب غير متوقع. *


من مواضيعي
0 هل تعيش بلدان الربيع العربي من العراق للجزائر حالة إنكار بتجاهلها شريحة الشباب؟!
0 هل اخطأ اردوغان الحسابات ؟ ام ان لديه حساباته الخاضع ؟!
0 دعوة للحوار : هل هناك علاقة بين العبقرية واليتم ؟
0 هل يعود الربيع العربي لينتصر من بوابة الجزائر ؟!
0 مسابقة منابر ثقافية للقصة القصيرة اصدار 2018

ايوب صابر موجود حالياً   رد مع اقتباس
قديم 07-07-2013, 10:57 PM   #3

رضا الهجرسى

من آل منابر ثقافية

 
الصورة الرمزية رضا الهجرسى

 
تاريخ التسجيل: Jun 2013
الدولة: القاهرة ..مصر
المشاركات: 138
معدل تقييم المستوى: 7
رضا الهجرسى is on a distinguished road
افتراضي

اقتباس:
المشاركة الأصلية كتبت بواسطة ايوب صابر مشاهدة المشاركة
اشكرك اولا لاستجابتك لطلبي وكما توقعت هي حتما تستحق النشر . ما يميز هذا النص الحوار الذي يجعل الشخصيات وكانها حية وهومؤشر على قدراتك السردية . وعلى الرغم ان النص مكتوب باللغة المحلية لكنني لم اجد صعوبة فهم القصة . سأعود لقراءة معمقة لكني وجدت النهاية مشوقة وفيها انقلاب غير متوقع. *
المبدع الواعى ..ايوب صابر ..
سعيد برأيك وأرجو أن تكون بدلت رأيك وقد فرض على النص وطبيعة الأدب الساخر فى جعله باللهجة المصرية حتى يمكننى السيطرة على أدواتى فى كتابة الساخر ..وفى أنتظار عودتك لتخرج منها ما بين السطور ..كما كأنغماس الأب فى شهواته وأهماله لزوجته وأولاده ..والتى نتيجته الحتمية ..هو بذر الكراهية فى نفوسهم ..
وبالمناسبة فقد نشرت لى أحدى دور النشر كتاب لى فى الساخر بإسم ..أزواج ولكن ..وعرض فى معرض القاهرة وبيعت كل نسخه ..ومشكلتى الحصول ولو على نسخة واحدة منه ..واخلع يا ويكا ..هو من كتاب فى الساخر يجهز للطبع ..ولى فى المكتبات مجموعتى القصصية ..بنت وتلاتة شايب ..وسيتزل قريبا روايتان ..
شكرا لمرورك المثمر وفى أنتظار عودتك ..

من مواضيعي
0 ملك درب القطة .. مسرحية كوميدية
0 رهان مع إبليس .. رواية
0 زغرودة الموت ..قصة
0 عتق رقبة .. قصة قصيرة
0 الهالة و الملعون .. رواية

رضا الهجرسى غير موجود حالياً   رد مع اقتباس
قديم 07-08-2013, 04:42 PM   #4

آية أحمد

من آل منابر ثقافية

 
الصورة الرمزية آية أحمد

 
تاريخ التسجيل: Jan 2013
المشاركات: 777
معدل تقييم المستوى: 8
آية أحمد is on a distinguished road
افتراضي

مبدعة كتاباتك الساخرة أستاذ رضا، ولقد قرأت لك المسرحية التي عرضتها هنا، وكانت في قمة الابداع لولا أنها مكتوبة باللهجة المحليّة مما يجعلك تبدو بارعا في كتابة السيناريوهات لتمثل على خشبة المسرح أو على شكل دراما تلفزيونية.
تمتّعت كثيرا بما قرأت ...وضحكت أكثر...
فشكرا لك مبدعنا الجميل.

تحياتي واحترامي


من مواضيعي
0 ملامح قديمة ... (ق.ق)
0 مختارات شعرية للأستاذ معاوية كوجان
0 من وصايا الامام عليّ رضي الله عنه لابنه...
0 دمعــة رجـــــل...
0 لِنَحمدِ الله على عظيم آلائه...

آية أحمد غير موجود حالياً   رد مع اقتباس
قديم 07-13-2013, 03:06 AM   #5

رضا الهجرسى

من آل منابر ثقافية

 
الصورة الرمزية رضا الهجرسى

 
تاريخ التسجيل: Jun 2013
الدولة: القاهرة ..مصر
المشاركات: 138
معدل تقييم المستوى: 7
رضا الهجرسى is on a distinguished road
افتراضي

اقتباس:
المشاركة الأصلية كتبت بواسطة آية أحمد مشاهدة المشاركة
مبدعة كتاباتك الساخرة أستاذ رضا، ولقد قرأت لك المسرحية التي عرضتها هنا، وكانت في قمة الابداع لولا أنها مكتوبة باللهجة المحليّة مما يجعلك تبدو بارعا في كتابة السيناريوهات لتمثل على خشبة المسرح أو على شكل دراما تلفزيونية.
تمتّعت كثيرا بما قرأت ...وضحكت أكثر...
فشكرا لك مبدعنا الجميل.

تحياتي واحترامي
السيدة الفاضلة ..آية أحمد ..
أنا بالفعل لى مسرحية ممثلة على المسرح وسأضع رابطها لكى تحكمى على كتاباتى المسرحية ..وأنا حصلت على دورة فى كتابة السيناريو على يد صفوة من المبدعين ..
سأنتظر رأيك فى المسرحية ..


من مواضيعي
0 ملك درب القطة .. مسرحية كوميدية
0 رهان مع إبليس .. رواية
0 زغرودة الموت ..قصة
0 عتق رقبة .. قصة قصيرة
0 الهالة و الملعون .. رواية

رضا الهجرسى غير موجود حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اجمع ريش الطيور أو امسك لسانك زمزم صافي منبر الحوارات الثقافية والدينية العامة 11 11-25-2019 12:48 PM
مواقف ... ساحرة .. وأخرى ساخرة .. الجيلالي محمد مقهى المنابر 16 06-08-2019 12:43 AM
قصص ساخرة عن شخص مسخرة نبيل عودة منبر القصص والروايات والمسرح . 0 08-12-2015 10:05 PM
لافتة ساخرة !!! ناريمان الشريف منبر القصص والروايات والمسرح . 5 12-03-2013 11:03 AM
The lost boy الكتاب الاكثر مبيعا على مستوى العالم اجمع ايوب صابر منبر الآداب العالمية. 1 12-22-2011 06:39 PM

 

الساعة الآن 08:12 AM


Powered by vBulletin® Copyright ©2000 - 2020, Jelsoft Enterprises Ltd.

  الآراء المنشورة في شبكة منابر ثقافية لاتمثل بالضرورة وجهة نظر إدارة الموقع بل هي نتاج أفكار أصحابها