// ســامــري .. و.. هِــجــيــنــي // - الصفحة 2



حيّا الله اللي يغيب ويسـرع الـرده

اللي يجينـي اليـا منـه تباطانـي*

قلبي يـوده و حالـي كنهـا القـده

ودي بشوفه ودونـه حـوم عقبانـي*

يا صاحبي جارك الله ويش هالصـده

مهـوب حـق تولعنـي و تنسانـي*

ان كان عندك حكى بي خامل السـده

فانت المصدق وانا حقي وما جانـي*

اهرج على ما تورى والبخـت بـده

لا تستحـي يابعـد حيـي وحيانـي*

ترى حلاة الهوى لا طالـت المـده

مهوب يوم صديـق ويـوم قومانـي*

وان كان ما انت مصافيني على الشده

وقت الرخى واجد ربعـي وخلانـي

خُــلــقــت حــواء مـــن ضـــلــع { آدم }

لــذلــك { هـــي } لا تـــشـــعــــر بـــالأمــــن حـــتـــى

يــــضـــع رأســهـــا عــــلـــى صــــدره !!!

11-22-2011, 09:05 AM

المشاركة 12

ساره الودعاني

كاتبة وأديبة سعودية



يا ناس عذبنـي كحيـل العيـن

ياناس قولوا لي شسـوي لـه*

افرح ليا شفت العـرب لاهيـن

قمـت اتغفلهـم واراعـي لـه*

الـود ودي مـا يغـاب شويـن

وعن الوطـا بعيونـي اشيلـه*

بعض العرب لو غاب له يومين

يا كنهـا خمسـه عشـر ليلـه*

وبعض العرب لو غاب له عامين

لا تفقـده ولا تـوصـي

11-22-2011, 09:15 AM

المشاركة 13

ساره الودعاني

كاتبة وأديبة سعودية



// ابراهيم الكنعاني //

يا حمام على الغابة ينوح = ساجع بالطرب لا واهنيه

قلت حيّه ولا كنه بيوحي = مر عجل ولا سلم عليه

واعسى السيل دايم ما يروح = ما يفارق جفار الصالحيه

حيث ينصاه خطوات الطموح = على بيضاء هنوف عسوجيه

تنقض الراس لا جت تاتروح = وتنكسه ليّة من فوق ليّه

يا شريفه متى ودك نروح = يم ديرة هلك يا العسوجيه

قالت أصبر يطيبن الجروح = شهر وعشر ودنّوا لي مطيّه

كن في ضامري قدر يفوح = أو غروب تُوَامَى في ركيّه

روح روحي بغت روحي تروح = يوم قيل الغضي فيه جدريه

جيت أبشرب ولا مسك يفوح = غاسل فيه وضاح الثنيّة

والحجب نابي فوق السطوح = والجدايل على متنه طويه

قلت قوّه ولا كنه بيوحي = صد وأقفى ولا رد التحية

11-22-2011, 09:21 AM

المشاركة 14

ساره الودعاني

كاتبة وأديبة سعودية



// محمد بن لعبون //

يا ذا الحمام اللي سجع بلحون = وش بك على عيني تبكيها

ذكرتني عصر مضى وفنون = قبلك دروب الغي ناسيها

أهلي يلوموني ولا يدرون = والنار تحرق رجل واطيها

لا تطري الفرقا على المحزون = ما أحب أنا الفرقى وطاريها

أربع بناجر في يد المزيون = توه ضحي العيد شاريها

عمره ثمان مع عشر مضمون = مشي الحمام الراعبي فيها

يا من يباصرني أنا مفتون = روحي ترى فيها الذي فيها

يامن يعاوني على الغليون = والدلة الصفراء مراكيها

ستة بناجر واربعة يزهون = وإن أقبلت فالنور غاشيها

11-22-2011, 09:32 AM

المشاركة 15

ساره الودعاني

كاتبة وأديبة سعودية



// ماجد بن حمود //

يا الله ألا يا والي الأمر = يا مسندي وأنت اللطيف

إنك تعاوني على الصبر = وزريع قلبي لا يهيف

ونيت ونة زلزلت مصر = وقصور مكة والشريف

عيّت ذلولي تقطع الجسر = وصويحبي يم القطيف

سواني يسنن على الجسر = سوّاقهن عقله خفيف

متى نشد ركايبنا العصر = عن هالمكان اللي كسيف

لي صاحب خواتمه عشر = يرجس كما مهرة شريف

أبو جديل ينشره نشر = ثوبه على متنه خفيف

11-22-2011, 09:37 AM

المشاركة 16

ساره الودعاني

كاتبة وأديبة سعودية



**

// الشاعرة اعتقد العوفيه *//

عديت بالمستقلي = من نايفات العداما

وأخيل برق يسلي = لا حال دونه عساما

يا رجم جعلك مولي = يا ويل سهل الكلاما

يا أخوي واعبرة لي = منها عيوني سقاما

أبكي ولا أحد فطن لي = راعي الهوى ما يلاما

جعل العجايز تولّي = والعود ولد الحراما

قد كدّروا مشرب لي = يا ويلهم من الاثاما

جيت المطوع يصلي = وأمكنت معه الإقاما

سمعت أنا صوت خلّي = سلمت قبل الإماما

يا ضامر الوسط ياللي = ما ذاق زاد ولا ما

مشيه مع السوق يسلي = يشبه فريخ الحماما

يا ليت شمّر هل لي = دخيلهم ما يضاما

رصاصهم مستصلّي = يكسر صليب العظاما

11-22-2011, 09:40 AM

المشاركة 17

ساره الودعاني

كاتبة وأديبة سعودية



// فهد احمد //

عيني اللي من الفرقى تهل وتعبر = ناموا الناس وأنت ياعيوني سهيره

قمت أهوجس بليلي يا هلي واتفكر = من تولع بحب البيض يكثر ونينه

شفت برق ينوض وقلت ذا الرسم بكر = وأثر هذا حبيبي يوم يوضي جبينه

خمسة أيام يا المجمول عيت تقزر = ما بْكن الدهر مرت علينا سنينه

عقب ولف المودة تقل خلي تنكر = ازهمه بالجواب وكن هرجي رطينه

صاحبي وإن طلبته حبة ما تعذر = وإن طلبته وعيى فحوبتي بْتحينه

هيه يا بو نهيد في الحشا ما تكسر = مثل وصف الزبيدي ما لهجها جنينه

خطر السطح من ممشى عشيري يتهصر = يا الله إنك تعينه من ردوف تهينه

كن ريق الحبيب فيه عسل وسكر = أو حليب من المسح البكار السمينه

يوم قفا وليفي قلت أنا الله أكبر = بنفارق عشير ديننا مثل دينه

قصر القلب من طرد المزايين قصر = كود يلقى عشيره أو عساه أوقمينه

11-22-2011, 09:42 AM

المشاركة 18

ساره الودعاني

كاتبة وأديبة سعودية



// صالح العطيني //

بنت يا للي بالمودة ذبحتيني = حطك الله للعشاشيق قتاله

يوم بان بي الخلل ما رحمتيني = والضعيّف قلبك الخنز ما أوى له

قالت اشترني بغال التثاميني = والفتى يسوق ما هان من ماله

قلت أنا ما أجد ثلاث الدواوين = والضعيف اليوم ما حالك بحاله

آه واويلاه من يا جد ألفين = يلحق القلب المشقى هوى باله

11-22-2011, 09:45 AM

المشاركة 19

ساره الودعاني

كاتبة وأديبة سعودية



// منصور المجيدل //

قلبي يحب المترفات الرعابيب = وعيني على فرقا الحبايب شقيه

جسمي عليل وكل ما جيب أبا أطيب = يطري علي اللي هروجه عذيه

أنا شباب وبادي رأسي الشيب = كله سبايب سيد روحي عليه

ياليت أهل غض النهد لي معازيب = وأصير حوله بالضحى والعشيه

والله لولا قولة الناس يا عيب = وأذل من هرج المخاليق فيه

وأخاف من والي الملا عالم الغيب = إنه يخيبني أمام البريه

لاسطى عليهم مثل ما يسطي الذيب = على الغنم بالليلة الخرمسية

وإني لأحاول جذبته بالمجاذيب = وادلي عليه اسواة دلو الركيه

وإني لأشده مثل شد الكلاليب = إلى استشدت بالمحوص القويه

وأبرد لهيب القلب غصب أو بعد طيب = وأخلّي العين الشقيه هنيه

11-22-2011, 09:53 AM

المشاركة 20

ساره الودعاني

كاتبة وأديبة سعودية



// مبارك البدري //

كريم يا برق سرى عقب الامحال = عساه يزي دار داعج

عيونه
*
يزي غريس طلعهن يعجب البال = فيه القميري ساجعات لحونه

حيث إن مرب صويحبي طيب الفال = ينقض على سيل المفاجر قرونه

ينقض دليق كن وصفه إلى مال = عذق هفت بين الرطايب غصونه

قلت ارفع المغطّى عسى يسمح البال = أريد أشوفك قال ما لك مهونه

لا والله إلا قشع الزين واشتال = واقفى وحال أسمر اللال دونه

وغديت مثل اللي بحبس الدرك حال = أو اليتيم اللي هله يضربونه