الى من رحل روحآ وبقى جسدآ فقط اليه مع التحيه



ما منتضر منك شكر لا احسان
انا طبعي الموافة بيوم وافيتك

ولا كلك وكفت كبال كل الناس
نكرت الناس كلهة وانته غليتك

ولا كلك عذرتك يوم سئت وياي
ادوسن فوكهن وانا التعنيتك

شتكول أتئلمت من زعلوك الناس
لو وحدك تصب ادموع خليتك

كفكفت الدمع والعبرة جانت نار
وانة بحاجت مواسة بيوم واسيتك

القدملك عيونه تنكرتلة بساعة
ابد ما خذت عبرة شلون جاريتك

طبع ذيب ووكح ولدغة منك موت
من الجاز غش لطراف ترجيتك

وجهك مو حقيقي وحسب ما تختار
يتغير قدر ما تنكلب نيتك

عضيت الادين القدمتلك طيب
منين اتجيب قابل هاي تربيتك

انتهت لفلف غراضك وضحت الوراق
ما صيرآ درع مكشوف خليتك

شوف شكم سهم هسة يتوجه ليك
وشوف شلون راح اتصير تاليتك

تعرف كلهة وضعك قاريتك زين
وصدك كلهة تعرف انا سويتك
صرت وتالقت وحتفت بيك الناس
وصارت فوك كل لسان تسميتك

بس ما ضن رصانة بساسك التعبان
يطيح وراح اجي ونطيك تعزيتك

حبيت بوكت ونكر حبك راح
من الناس تاخذ ثار تضحيتك ؟

بس حق الصداقة البينة انا وياك
وكص الساني لو فد يوم حاجيتك

ما رف القلب لا واهم وغلطان
مرة بنومي اجيت وبس تحاشيتك

انا صاحب الصاحب ما اخونة بيوم
اختاريتك اخو الضيج ضميتك

مايك مو نضيف وما عجبني الماء
ماخذ لون مايك ما تدنيتك

الماي الصافي يعكس صورت العطشان
وانا شفت الغدر لمن تعنيتك

ادفعك على الزينة وتنحسبلك زين
وقعت وختمت اوراق تسكيتك

اكولن تنعدل بس واهم وغلطان
بجيناتك خلل وبضعف شخصيتك

قريت كتابك البي حجي لما ينكال
وباول صدر ما كملت بيتك

الله يرحمة اكولن من يجي طاريك
كلت نعلة فقط لتكول سبيتك