[poem=font="arial,5,deeppink,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الحب في شرع الهوى حظ ونصيب=مثل السحاب اللي تخبي مطرها

لسني من اللي يفتخر بالاكاذيب=أشرب من الصافي وأشنى كدرها

يا عزوتي للحب نشوة وتغريب=نار الغظى بالقلب شبت سعرها

يا نسمة الكادي كفى القلب تصويب=يا بسمة الاصباح غنّتْ فجرها

ليلي طويل وزاد بالروح تعذيب=أنشد نجوم الليل وينه أثرها

يا سيد الافلاك مهنا عذاريب=مثلك غيوم المزن تسقي مدرها

يا حظ عيني وأنت بالقلب ما تغيب=وشلون بانسى من لعيني بصرها

يا سيد الافلاك بالقلب تطريب=تلتاع نفسي تنتخي من أسرها

يا همس خالد يا هلابك تراحيب=معزتك زادتْ وباروي خبرها

يا خيتي باعوي عوى الذيب للذيب=يا سعد روحي يوم طيبك عطرها

المسك في وسط الجمر ينتح الطيب=مثلي ومثلك ينتشي في جمرها[/poem]