الموضوع
:
عيني على الغلبان
عرض مشاركة واحدة
احصائيات
الردود
0
المشاهدات
1013
عبدالرحمن محمد احمد
من آل منابر ثقافية
المشاركات
354
+
التقييم
0.25
تاريخ التسجيل
Jun 2020
الاقامة
مصر
رقم العضوية
16143
11-28-2020, 09:38 PM
المشاركة
1
11-28-2020, 09:38 PM
المشاركة
1
Tweet
عيني على الغلبان
صــرخــة
1
صلّي على المصطفى
واسعي لـغـِنى بحلال
المال دا عزوه ودفا
بيعـبّي صاحبه جلال
2--
بطن الفقير قـنبله
الجوع بها مسعور
أنينه صار مشكله
آه لو عليكوا يثور
3_
ثورة جياع البلد
هاتذلّ كلّ ظلوم
مش غيره دي أو حسد
دي صرخه من مظلوم
4-
يا مــدوّخين الـفـقـير
بالمــيـّه والـكـهربا
بتكنزوا ليه كتير؟
وجيوبه ليه منفّضّه؟!
5-
بتحشّوا ليه في قلبه؟
ومـِسْتحوزين عالضي؟
ما تراعوا فيه ربّه
وسيبوه يعيش يوم حي
6-
يا ربـنّا انظر بقى
لعبدك الكحيان
دمّر جماله الشقا
وجسمه ليه عـيّان؟
7_
هوّ الفـقير مالهوش
ياك حـقّ يسكن هّـنا؟
ووشّه ليه ما فيهوش
إلّا العذاب والضّنا؟!
8-
عيني على الغلبان
مكروه وذنبه الفقر
لو يوم في مشهد بان
يكون في بُـقّ الصقر
9-
ما تــقــولـوا للأغنيا
طيعوا اللي أغناكم؟
زيحوا أسى الأشقيا؟
من بعض ما ادّاكم ؟
10_
سبحان من ادالـمكم
لـكـنّكم ظــالمين
باخلين قوي بمالكم
ليه عالهدى صايمين؟
011
غيث الغلابه ياربّ
م الغلب والحرمان
دايبين في بؤس وكـرْب
كـإنّهم في لــومــــان؟
رد مع الإقتباس