هاج الفكر عقبٌ غمض محجر الليل=ومن بعد ما ضيّ الفجر شق بابه

ووهج الغزاله جايبٍ لي تهاليل=صدري انشرح ما من هموم وكأبة

من صغر سني عاشق السيف والخيل=وجزل القوافي دافقات بصلابه

من اللابة اللي تعتلي ع المصاهيل=أهلي الضراغم من احفاد الزغابه

جدي وبيي وجيت انا رافد السيل=نعطي لِكل من راد بندق زهابه

نرقى المعالي بكل جيلٍ تلا جيل=ويا محلا فعل النشامى نحكى به

والما يعمر عش ماله زغاليل=والما يربي رجال ماله نسابه

والما يضك الحيد ما يرافق الشيل=والما يحوش الكل ماله قرابه

والما يرد العايل وطافح العيل=ابعيد عن نهج السبع والذيابه

والما يسل سيوف ما يردع الميل=ان ضحك الغضنفر يفرس بكظّ نابه

العز مات ان كان ماله مصاقيل=وحقٌ بليّا سيف قِصرن طلابه

يا ما حلا لمّ الرفاقه بتعاليل=اصحاب القوافي والعلم والخطابه

يا عاشقين البن دنوا المعاميل=لموا الأهل ما بين هذ وربابه

وصوت الهجيني والحدا والمواويل=وقاف الشروقي يطربك والعتابا

بين المعزب والرفق والمحاويل=وعقب الدسوم .. البن –عزٌ- شرابه

بليله طويله نجومها تودع سهيل=وكلٌ على العليا يغرّز طنابه

هذي الحياة ان كان ما به تجاميل=هذي المعزه وعقبها خل ما به