لو بتحب الهادي محمد
كنت تصلي عليه وتسلم
كنت تقول للدنيا نبينا
بدر لليلنا وشمس نهار
كان إيمانك بيه يتجلى
بر وتقوي وصلا وصيام
واستغفار
حبك ليه كان خلاك زيه
رحمة على المسكين والطيب
والأبرار
كنت هاتتعلم من سيرته
إن الدين مش بس عبادة
لكن جود وأمانة وعفة
وانه تواضع لا استكبار
كنت ما سبتش مظلوم يشكي
أو محتاج يتعذب يبكي
أو مرعوب م الخوف ينهار
كنت هاتتمسك بمبادئه
وتكون زي ما أمرك دينك
كفك كله ندى وأنوار
كنت ها تبقى لوطنك
نافع
جيش للعدل وباب للضي
حصن لأهلك ضد النار
صل وسلم ياللا وبارك
ع المختار
صل وسلم ياللا وبارك
ع المختار
--