الجـاي والمـاضي
مسّيت بالخير يالمشعور
يا خاطري المستوي الناضي ..
ما عاد فيها دهان سيور
ولا عدت أجامل ولا أحاضي ..
لو يحكم الواقع الدستور
يحتار فالمجرم القاضي ..
كم شخص تافه وله جمهور
وكم شخص مبدع وهو فاضي ..
خمسة سنين إلا خمس شهور
سني ..وشيعي .. وايباضي ..
واقف وراهم وفالطابور
وأحلامي فـ شنطة أغراضي ..
ويمرّني الخبث خلفه الزور
والحق ساكت .. ومتغاضي ..
بيموت مغبون أو مقهور
من راد يتعمّد غياضي ..
ولو توقف أيامكم ناطور
ما عثّرت رجل مركاضي ..
الشاعر ، الضابظ ، الدكتور
اختار فيهم ونا .. راضي ..
في كل واحد تلاقى شعور
يحكي لك الجاي .. والماضي ..
الشاعر : : محمد بن ظاوي الكعبي