قلبي تعب يا ويل قلبك يا فهد تقدر تعوف=لولو عرقها لو تدلّى من خجلها به جنون
نجلا ويا زين الدّلع فيها طبع كلّن يشوف=كلّ الهوى فيها يزيدن والمشاعر ما تهون
هذا انا عاشق ولا برضى سوى قلبن عطوف=حبّي لها فوق المدى كلمة غزل فيها فنون
تعجز بيوتي في تواصيف الحسن كلّ الحروف=شعري لها .. حرفي قصيدي والنثر فيها يجون
هي اسكنت في خافقي لا زولها فيني يطوف=بجلس اناظر عينها علّ و عسى تملى عيون
يا طيب ما بعده طيوب وخافقي فيها شغوف=يا هو عطر عطّر نحرها او نفسها هو دخون
فهد الخالدي
فـ . خـ .