يايمه فز حيلك تهزهز
نادى الوطن ياييوم
تعرف إنت عفيف
الوطن ما ينده كل يوم
صبور بصبر أيوب
تحمل الدود لحد الزردوم
***
ياييمه أشوف البوم
بديرتنا يلف يحوم
أنت تعرف ملفاه
هذا اللفاه المشؤوم
مايطب ديرة العز
بس الخراب المهدوم
***
أكبل يابوي كل شيء
أفطر وأتعشى كيصوم
أجرع المروالحمضل
أسحن الزرنيخ وي الثوم
بس يتعافا الوطن
من العثره يكوم
***
أنذر ألف نذر
وأصلليلك الدهر محكوم
أصوم الدهر ممنون
ولا أشوفك ياوطن مهموم
يايمه هذا الوطن
هو العرض والشارب المحتوم
***
بلياك إشنفع الهامه
ماترتفع هامات وتكوم
يايمه أأي واداعتك
هذا رياح السمموم
الموت صفى بالجمله
من هبات الحموم
***
إنت ماتستاهل ياوطن
ترتمي بحضن الشوم
إنت ما يلبكلك غير
بالورد بديارك يعوم
ورياحك عطر هيل
تفوح إلك دوم
***
اعذرني ياوطن ماعندي
غير ادعيلك تكوم
ننفض الضيم عنك
وتشعشع بالسما نجوم
بلياك ماظل ستر
ياغيرة ونصرة المظلوم
***
بس تحتضر ياوطن
وين أودي وجهي من الكوم
شيفيد الندم ولأخ ولآه
عليك بعد ها ليوم
***
شعر
خالد الفرج