منتديات منابر ثقافية - أين حقوق الإنسان

أين حقوق الإنسان

http://up.top4top.net/uploads/2011/0...42b32ce231.jpg

ميدان التحرير تحول لمقبرة للشهداء
في ساعات الصباح الأولى وقبل صلاة الفجر يسقط الشباب مابين مصاب وقتيل برصاص الغدر دون أن يرجف للظالم جفن !!!
أين حقوق الأنسان ؟ أم كُتب في شهادة المصري أنه لاينتمي لبني البشر !
وزراء كرتون أسماء على الورق لاأمن ولا داخلية نطلب منين المدد
يارب أغثنا
يا أمة محمد
ولادنا بتتقتل
***
ياريس أزاي بتعرف تنام
ودم المصريين بيروي الميدان
مش همادول اللي بتقول عليهم ولادك
والا دا بس كلام للأعلام
والله إللي بيحصل في مصر حرام
فينك ياعالم فين حقوق الإنسان
والا أحنا بقينا في طي النسيان
الشباب محاصر في الميدان
ورصاص الغدر حواليهم من كل مكان
اللهُ أكبر بتصرخ بين شفايفهم
قوم ياظالم أسمع صوتهم
بص في عيونهم...
أسمع صرخة دموعهم
الشباب دلوقتي بيموت في الميدان
الشباب اللي صقف وغنى ليك زمان
ولاد اللي سموك بطل الحرب والسلام
ولا انت خلاص بطلت تسمع كمان
بين الضلوع القلوب بتصرخ
أم الشهيد في البيت مستنية
بتقول حبيبي وضي عينيه
لسه بيغني وبيلعب حواليه
بلادي بلادي لكي حبي وفؤادي
يامه أحكيلي تاريخ أجدادي
خليني أصرخ . أكسر خوفي
وادعيلي يامه أنا وأخواتي
أأه يا أبني ....
يا أخويا .. يا أبن عمي
يا مصر يا حته مني
وأنتِ يا أمي
يا أم الشهيد يا غاليه
بأعلى صوتك في كل صلاة أدعي
حسبي الله ونعم الوكيل
دم الولاد في رقبتك يا حسني
ورقبة أعوانك الخونه كمان