اني احبك
 

شرد اﮜلـﱠك..... اني احبك ما امللك ..... شرد اﮜلـﱠك
بيك هايم ... وبيهﱠ لايم ..... وابقه احبك ما املـﱠـك
وابقه احبك ..... موت احبك .... موت اريدك موت اوﱠدك
من اشوفك ..... ما اعوفك ..... يالله احـﮁـي شنو ردﱠك
يالله ﮜلي .... اه يخلي ....ولو يـﮝطعوني يخلي ما اهـدك
لو نفوني .... وعذبوني ... الجسد عندي ورحي عـنـﱠدك
حرت شبدي وكلهه ضدي ... ماكو عندي غير شخصك
وين اروح .... من تروح ... ومن اخاف البد بسـﱠـدك
انته روحي ... وكل جروحي ولا احمل عني صـﱠـدك
اخذ ﮜلبي .... انطيني ﮜلبك .... وظل يمي وخلني يـﱠـمك
انته اني ... واني انته .... انته بيه شلون اضـﱠـمك
حيره امري ... حبي عذري ... واني باحساس وكياني بموت احبك
اريد اسئلك .... شصبر اهلك ... هنيالهم هنياله امك
من تبوسك .... من تشبـﮝك ...ومن تحطك بالحظن من تشمك
واني اغار ... واشتعل نار ..... من اشوفنهه تحظنك
خلص صبري ... وضاع عمري .... والباقي من عمري حبيبي فده لعمرك
لان اني .... مو اناني ....وارضه اموتن لاجل اسمك
ارضه اموت .... وبلايه صوت ..... وبفخر ناديت احبك
مؤيد الساعدي 22/2/2013