وين تريد ...........؟؟؟
 

دمعاتي اعله مودك تارسه الغراف
موسهله من اجيك بعازة الكطره
يالمغيم عمر وسنينك معسمات
تجي بعازة دفو ,, وتتوسل المطرة
كلشي اوياك اخذ ..خليلي بس ذكراك
مااقبل تروح ..وتاخذ الشطرة
وين تريد ...شومستعجل ابممشاك
لاخر نية اخذني اوياك
صبخة الروح ظلت والصبر فلاح
جوجه اعله الملح ...واسنين ظل يرجاك
يالكتلك احبك ..كتلي هاشتكول ..
مااسمع ...تره ..هاسهله ..راح انساك
كالولك امس مريت... أي مريت
حنيت لمكانك ذاك..لاخر ضحكة اليه هناك
اول مره احسن بيك ... جان اخر لقاء وياك ..جنه اوياك
بيه ضاع الحجي الوياك ردت احجيه
والسان السوالف بيه رد والتاف
يمعود خطيه رويحتي ...ابلياك
كاطعها العطش وعيونك الغراف
يالماخذ عمر ثلثينه طاح نذور
شوصاير شحيح وكمت ماتنشاف
تريد تروح ..
روح وهاي مامعذور...انه المثلي ماينعاف ..
كلهن بيه الك زينات.. حباب وحنين وشاعروشفاف
يالمشدوه عني وواهسك مسحور

شد اسمي ابركبتك ..خاف
شيطان الغواك تروح ...يوحيلك بروحي تزور
وانت بلاوضوء ..ومن ضريحياتخاف
وين تريد؟؟؟

تدريني اشتهيتك ليش مامريت
يااول احبك بالكلب ظليت
يالرديت يوسف صحت صار سنين
يوسف رد لابوه وانت مارديت
لازم صورتك وافتر على البيبان
دورت الشوارع كلها ماخليت
غير تمر علي وتشوفني بياحال
تمر عالبال ليش وماتمر عالبيت
يالرحت بوكت ماردت بيه تروح
يالعايش عفتني بذمة الياريت
تانيتك تجي ..وماجيت حتى بطيف
وحنيت لهواك وريت ماحنيت
صار شكد اسولف وي اخر طيف
بي كالو اجيت ومالكيتك جاي
عطشني الهوه ونشف لهاتي اجفاك
ولو اسمك اجه يكولون اجانه الماي
تثكل مستحاتك ليش لونشدوك
تسكت ليش كلهم هوه هذا هواي
بعته ورجعه الشراي...
واطيته ابلاش ومارضه الشراي
يالمطيك وجهي ..وماشفت مكفاي
ذبيت السوالف كلها باقرب بير
وخليت ومشيت وخذت جرحي وياي
يالمالك خلك ..تتنفس من الكاك
جاغير اعله مودك تيهت ممشاي
يالسديت اذانك من كلتلك وين ؟
جاغير اعله مودك انه كاتب هاي
رايح ماتجي معقوله يهواي
وانه العطش كله وشوفتك ماي
الله وياك اكلك رايد تروح
واذا وياك الله ياهو الوياي
الله وياك ....بس غلطان
نارك لاتحطها كبالي ..اذم النار

انه بعشرتك قديس موشيطان
اكفر بالبرد ..لوجابني اعله النار
راح امشي بحجي الدخان
وارضه اتعايش اوي اوحوش

واطرد كل شبه انسان
مامجبور ؟اسولف عالضوه من ابعيد
واكتب عالهوه متانيكوانه بزحمة النسيان
انه انسان

صح لسانك كلمات تنبض بالحنين اجدت واحسنت اخي الغالي
اذا رايد صدك ترحل لا تسأل بعد عني
واذا رايد صدك ترحل تراه الذنب مو مني
ما شفت الفرح وياك ولا لحظة ضحك سني
وتره طيفك يهل تعتب لذيذ النوم حارمني
اظل سهران طول الليل اخافن طيفك يمرني
واخاف الروح الك تشتاك لو طيفك يسامرني
ولا اريدك تجي عالبال ... لان حبك شدهلي الحال
وكلام الناس ما يرحم مليت الكلت والكال
دور غيري احسنلك وعيش وياه احسن حال
ما اريدك وحك من خله شجره وفاس
تره اهواي اذاني وتعبني كلام الناس
يوم الماشوفنك ابقه بحيرتي اووهواس
وعليمن جا احبنك وهالشيبك ترسلي الراس

الله مااجملها من مناغاة للحبيب
جميلة القصيدة كلها
بيت اجمل من الاخر
اهلا أ. سعود
مودتي

شكرا لكم احبتي
سررت بحضوركم العذب
لكم مني كل الود