وفاء البغل
 

وفاء البغال :
قصة ( البغل المسروق .... ونزاهة القضاء )
قصة طريفة بقلم القاضي ( صادق مهدي حيدر ) رحمه الله
( في احد الايام من عام 1965 حيث كنت أرأس المحكمة الكبرى في بغداد ...راجعني احد المواطنين البسطاء قائلا: ( أستاذ الله يخليك ويحفظك اني ما اعرفك بس يگولون عليك خوش آدمي )
قلت له بالعامية ( خش بالموضوع )
فقال : ( آني اشتغل مچاري وعندي بغل أحمّل عليه بالشورجه وبيتي بالاعظمية - الصليخ ... وبآخر النهار انباگ البغل مني ... بلغت الشرطة ... ماكو فايدة ... بعد سنتين لگيت البغل بكربلاء ومن شافني گام يشمني ويبچي والناس تضحك علينا ...
أشتكيت بكربلاء بس الحرامي جاب اربع شهود گالوا هذا الحصان انولد ببيت فلان !!!
اگولهم يمعودين هذا بغل مو حصان محد يسمعني وطلعوني بالدفرات )
أتخذت الاجراءات الاصولية واوعزت بتأمين جلب البغل من كربلاء الى بغداد تحت انظار عدد من الشهود ومجموعة بسيطة من الشرطة ... فأطلقوا البغل من منطقة الشورجة فاذا به يتجه مباشرة الى منطقة الصليخ في الاعظمية ولم يتوقف الا عند باب دار المشتكي !!! فتبين انه صادق في دعواه واعيد بغله له وأتخذت الاجراءات القانونية ضد السارق ).
هذا وفاء البغال لموطن ولادتها ومعيشتها ..... و هناك بغال ينهقون بالوطنيه ويسرقون الوطن ... فهل لدينا قضاة كالسابق يعرفون كيف يميزوا بين الآوفياء واللصوص؟؟؟

منقول😎😎

رد: وفاء البغل