منتديات منابر ثقافية

اخاف من باجر يجيني وخوفي من اليوم اكبر
وبعد ما عندي صبر وشلون اصبر
وڴلي شصبر واني مليت الصبر والجرح يكبر
اني شصبر والوطن كل لحظه برواح المساكين يتعفر
ڴلي شصبر واليتامه صارو بكبر العراق وبعد اكثر
والبيوت البيهه بس صوت البواجي تهدمت
والرجال الهيبه ماتت والحريم ترملت
واحنه في حكم المشاهد نقراء اخبار وجرايد ونتكتر
بيه خوف وخوف اكبر
اليوم صار الانفجار وباجر بعبوة نتفجر
وهذا مات بكاتم وصاحو عميل
وذاك صكوه الجماعه بلا دليل
وذولي سنه وذولي شيعه والفتن تكثر وتفتر
هذا صاح السنه باطل وهذا صاح الشيعه تكفر
والمسيحي صار فاسق بكتله هذا الدين يعمر
وهذا صبي لا تماشيه وتسلم عوف انته صحبته وعنه تكتر
والله حيره شريد اسمع
واني كل ساعه انوح وعيني يدمع
روحي تطلع انه احس كل لحظه روحي من الجسد تريد تطلع
شريد اسمع واني اذاني تعودت عالانفجار
يعني يوم المايطڴ اي انفجار لازم اغسل اذني اني بماي حار
لان عندي السمع يطفه
والوشيش باذني ما ممكنله يصفه
وابقه اتاني باجر والباجر اصبر
وادعي بلكي يمر عليه بلايه خوف وخوفي يكبر
وظل خايف كلي من اليوم وڴلبي يتحسر
وڴلي يا عمر اليخلص كله خوف ويا عمر الله واكبر
يا صبر الله واكبر