|
<< ديوان الشاعرة غريبة الدار ... وجع غربة >>>
بسم الله الرحمن الرحيم.. الشاعرة [ غريبة الدار ] إسم رمزي لشاعرة سعودية ليس لدي شيئ يذكر عن سيرتها الذاتية وسأدع قصائدها تحكي عنها لنتعرف عليها أدبيا على أقل تقدير.. |
ازدهر يا ليل نجد ازدهر يا ليل نجد..واندثر ياشقا أيام ..عذبتها الصبور وغنلي ياليل ..من عقب الكدر وافرش دروب اللقا ورد وزهور بارق الآمال في ليلي ظهر والسهر عفناة ..والدنيا تدور غيمة احزاني بددها المطر والعلاج الصبر ..يا جرح الشعور ظلمة أقداري نورها القمر وشوف خلي زادها ..ياليل نور عمري الي ضاع باحضان القهر عوضه ياحظ باللقيا..يثور ليل نجد..العين تفضح ماتستر عاشقا ملتاع ..ولوباح معذور عقب حزن (ن) في خفا الروح استقر عقب وقت(ن) كل ما شكيله يجور زان وقتي طاب وياك السهر وفي نسيمك انتعش ريح البخور ما بقا احزان ..ولله الامر بالارادة .. تنجبر كل الكسور وعن عذاب (ن) فات باغض النظر حاضري الافراح في كل الامور يكفي اللي ضاع من عمر العمر يا عذولي ..لو تكرم لا تشور ليل نجد الحب غنا للسمر ورددت أوتار قلبي بالحظور وقلت لك ياليل في آخر سطر حاضري أمال وأفراح وسرور |
مقادير تخطي وادور من غلاتك معاذيرواضحك وأنا اللي غارق (ن) في دموعي كل الجروح الماضية دون تفسير عشتك عذاب بكل صنف (ن) ونوعي الحب ماله قيمة (ن) دون تقدير مانت الذي راضي بحبي وقنوعي يا صاحبي افراق هوانا عن الغير أنا الوحيد اللي مشالك بطوعي ليتك تسائل ليه حبي بتبذير وليه انحني لك دايم (ن) لك خظوعي اما نتفاهم ولا قلنا مقادير ما يستمر شوق (ن) وحب و قطوعي |
دايم بالقلب وان لامني بمحبتك الف لايم لاني متلفت لا شمال ولا يميني قلب (ن) يودك وعن هوى الغير شايم مازان في الدنيا بدونك يشيني يا قلبي اللي في عشق دنياك هايم ان قالوا شين (ن) قلت فعيوني زيني و أن غبت عني باقضي العمر صايم زادي ونيتي وشربي من دمع عيني وان راحت صار الجو بالحزن غايم وان جيت كل فرح (ن) هجرني يجيني حبك ملكني ودايم (ن) بالقلب دايم بفداك عمري وما مضى من سنيني |
هاجري ياهاجري ما عاد بالعمر عمري نمر (ن) حياني الشوق ومر (ن) قتلني كم صدة (ن) تخلف بها قلب جرحي نساع (ن) غمرني الياس وساع (ن) رفعني أصبحت مثل الناس عايش بوجهين وجه (ن) ضحك وجه (ن) بكاك وفضحني اذكرك دايم وين مارحت أنا وين صعب (ن) تناسي قلبك اللي خدعني من يوم رحت العمر ما عاد به زين ياللي فراقك من هنا يا سلبني كلي جروح (ن) ما تشافي بعد حين وش هي حياتي دام قلبك لفظي |
مثل حلم اللقا والقرب لو يشرى بغالي كان ابدفع من نضر عيني ثمن مثل حلم (ن) لي تجيبه اللي اليفزلة قلبي وعيوني بكن زوله اللي مسكنه اقصى خيالي حاضنن (ن) زوله واشقا به واعن ما لغيره لي دروب ولا مجالي حبه اللي في الضماير بي سكن غالي (ن) والقر ب لو يشرى بغالي كان ابيع الغربه واسكن به وطن |
جسم بلا روح لوني سئلت الروح ما لقي جوابه عزاة ياوقت (ن) مضي دون مصلوح قلب (ن) قفل عن كل مخلوق بابه دونه ودون اللي يبي غربه الروح قلب (ن) ولو جار الزمن ما خطابه بينه وبين الفرح يا غربتي شوح الناس ما تدري عن اللي سطا به أضحك بوجهه وداخلي تنزف جروح من زود حزنه طار منه صوابه عاف الحياة وفارقت روحة الروح اللي قتلني من صدوده وعذابه يدري و أنا ادري عبرتي ترفض البوح عطشانه واشرب صحاري سرابه عزاة ما مرت ولا لحظة فروح كان الزمن الي بدا وانتهى به ما فادني؟ كني عن الحب منزوح واعيش وقتي بين هم وكآبه و أنا الغريق وفي البحر مركبي لوح يكفي عذاب اضن ماهي طلابه وش فايدة تجريح حسم (ن) بلا روح |
انت ناسي انت ناسي ولا لي بالمخاليق غيرك من عرفتك وانا راضي بحالي سعيدي ما يهم المعرفة بين ناس(ن) وبيني ياللي في روحي عاش حبك وحيدي ما شكيت الليالي يوم احبك حبيبي حتى حزني بشوفك صار بالفرح عيدي أيه ادري انا ادري ما تدوم الليالي ليه افكر وانا اللي حاضن الكف بايدي الغلا والمحبة دايم(ن) لك بقلبي ان تباعدات ابا قطع من فراقك وريدي ما بالغ كلامي انته تعرفه من عرفتك اعيش العمر عمر(ن) جديدي |
عذاب الضمير يشوفني حلمة وانا اشوف به غير يشوفني فرحه واذيقه تعاسه حبه خيالي مثل عشق الا ساطير وانا غرامي ثابت(ن) بأرض ياسه بعض المشاعر عشتها معة تزوير وكل المشاعر عاشها لي باحساسه دايم دموعة تسبق الحرف تعبير ودايم انا اضحك كل ما زاد باسه ياما جرحته دون وعي (ن) وتفكير وياما فضحته بالوله بين ناسه ياما تسامي عن جروحي بتقدير وياما سقيته من العنا مر كاسه ياما جزيته بالوفا لي بتقصير وياما تعذر والخطا بي اساسه ياما هجرته دون ذنب وتفسير ياما حرمته من عذابي نعاسه ياما خلق لي من غلاتي معاذير ياما حنى لي بالهوى حيل راسه عذري بأني شفت غدر(ن) مع الغير أرضي جروحي فيه واجرح احساسه ويوم(ن) نوى له خافقي نية الخير بعثر زماني كل حبي وداسة مادري قصدها مادري هذه مقادير لا وعذابي كنت باخر انفاسه |
تالي الشوق توله وانا اوله بس وش تالي الشوق ياللي خيالك عن حياتي اخذني مر (ن) بكيتك جرح ومر(ن) على شوق ومر(ن) حياني الشوق ومر(ن) قتلني ياللي اعيشك حب والقلب محروق عن كل كوني بس حظنك وسعني ان غبت عاش القلب ضايق ومخنوق ياللي غرامك من حياتي نهبني ماعاش في قلبي من الناس مخلوق قبلك ولا بعدك ولا احد(ن) عشقني |
اعترف كانك تسمي كل شوقي لك هروب عن دنيتي عن كل شي(ن) خذلني انا اعشق الجرح دامة لك دروب واعشق عذاب(ن) في طريقك جمعني يا ادمي ماني على الحب مغصوب كم واحد(ن) حولي ولا أحد(ن) شغلني جيت امتظلم من زماني ومتعوب وكثر الولة والشوق يمك دفعني جيتك طريد(ن) ضايع الحق مسلوب وكل العدالة في الخلايق تجني جيتك غريب (ن) بين هل ناس محسوب اعيش حي وكل شي(ن) قتلني جيتك حزين(ن) ما لقى بين القلوب احد(ن) يحاول يمسح الهم عني جيتك هريب(ن) ضايع(ن) كلي ذنوب ياللي غرامك عن طماني رفعني وصرت الغرام اللي به الفرح مكتوب عمر السعادة يوم شوفك كتبني هذي انا ودك المزايا والعيوب اما قبلني بحب ولا رفضني |
حلمي سراب تعال لي واللي ماله حساب اعمارنا باللي بقى من ليالي عمري الهوى لقياك ياكل الاحباب يكفي عذابا (ن) من فراقك جرالي ويا فرحة اللقيا عقب حزن وغياب امحي عذاب الغربة اللي مضالي أطفي لهيب الشوق من خافق (ن) ذاب ما له على طول الفراق احتمالي حلمي سراب وكل من حولي اغراب وجود نفسي في وجودك قبالي لو يدعي نسيانك القلب كذاب انت الغلا وانت الوحيد بخيالي يا مالكي حسادنا ضنهم خاب ما بات قلبي عنك واله وسالي ارجع حبيبي خاطري منك ما طاب ملتني الغربة وسهر الليالي |
موت وميلاد مقفي ومازلت انتظر منك ميعاد لو تجرح احساسي بهجرك فلا اتوب ليلي شقا واشعار واحزان وسهاد وليللك فرح واحلام وفنون وطروب قلبك يعيش احلى لياليه يا سعاد وانا حشاي بنار هجرانك يذوب ويللك من الله زاد منك الهجر زاد وقلبي من الفرقا جريح(ن) ومصيوب للحب عند الغير موت(ن) وميلاد لو سد(ن) درب(ن) بالهوى تطرق دروب وأنا معك عمري غدا(ن) جهاد في جهاد ياللي بقلبي وين ما رحت منصوب لا سامحك ربي على لحظة ابعاد قلبك بصوب وقلبي العاشق بصوب |
غربة عمر ويلاه طالت بي مشاوير الاحزان دايم اترجم خيبة العمر غربه باقي بروحي باقي(ن) بعض انسان نصفه حقيقة وباقي النصف كذبه تمضي حياتي بين رغبة وحرمان وبين اللقا والبعد اضيع غربه عيبي خيالي رافض(ن) كل ما كان يرسم دروبه لي ولا ذاقت قربه في لحظة (ن) اعيشها صدق وجنان مر(ن) يقرب ومر يبعدني يبعدني دربه اللي قتلني كل ما صحت ولهان لحظة لقانا ياهي بالحيل صعبه لا نافع(ن) لقيا ولا حولي أنسان بين السما والأرض معلق بحبه |
تعال تعال .. ونام في عروقي ودمي تلحفني دفا .. واتلحفك شوق تعال .. وقصر الأبعاد يمي تعال .. وناظر المكنون منطوق ياطيف حتى لو جاني بهمي أبضحك .. مابقت دمعات بالموق ياصورة .. انثنت من كثر ضمي حبيبك بالوله .. ذايب ومحروق ياعينه .. قبل ما تدعين سمي حلالك .. كلي .. كلي لك حقوق حنانك ماخبرته حتى في أمي حياتي .. لوني بالهم مخنوق يفرج همسك ونجواك غمي أبي أرقد .. وسط عينك ولا أفوق حبيبي .. ارقد بقلبي ودمي تناديني وله .. وآلبي بشوق |
تعبت أسامح ندور وكل مافي ذا الوجود وذا الحياة يدور حياه نعيشها هذا عرف قصده .. وذا غادي نحاول في الأماني ويتكرر كل يوم الدور سباق نهايته مابين باكي وآخر شادي عسى ربي يهون عبرة بالخاطر المكسور لها عامين مسجونه مابين العين وفوادي يجض القلب منها جضة اللي بالمنى مجبور سبايب سجنها من خوف عدواني وحسادي تعبت أسامح الأيام واقول الزمن معذور تعبت أشربها سكر .. حظي المتعوس وانكادي على نفسي كذبت وعشت في كذب الأماني شهور وعايشت الأماني .. لين ذقت الغبن وسهادي وبدا ميلاد قلبي من عرفتك بالبها والنور وتباهيت بطلايع طلتك في يوم ميلادي هو اليوم الوحيد اللي ترك فيني وفا وشعور وهو اليوم الوحيد اللي حرمني روعة أعيادي وفاق القلب من حلم تنثر وآخره مبتور على صوت الحقيقه والفلاح يصيح وينادي ورجعت لخالق يجعل نهاياتنا فنا وقبور وطلبت العفو من وجه الكريم المشرق البادي |
دخيلك يمر الهاجس ف بالي وانت ف هاجسي رحال ويعود بك مثل ماجيت هاجس ينفض الحيرة تجيني مع قديم الجرح تواجهني حديث طال واذا عني بعد طيفك .. يصد الفكر عن غيره أنا لولاك يالماضي .. أظني مستريح البال ولو أحرق تواريخك .. مع غيري تجي سيره دخيلك لا تعود لي .. تعبت بكثرة الترحال أنا وش حاجتي في حب ضايع معك تقديره رح إبعد عني بجرحك .. أبي باكر أبي آمال أنا مابي تعود لي بجرح معك تفسيره لابو جرح بقا منك .. أنا وش حدني أحتال على نفسي واقول إنك حبيب خان تعبيره |
كسر خاطر عجزت أنا أخفي دمعة بعين شاعر لا من بكا قالوا .. صويب ومطعون تعبت أنا غربة .. وقلب مسافر يمر طيف .. ماسكن قلب وعيون تعبت .. قلب تحتضر به مشاعر تعبت أناقض قلب عاقل ومجنون أموت كلمة .. والقصايد تناظر حرف قتلني .. وباقي الحرف مغبون تعبت أجسد صورة بالدفاتر وجه بخيالي وسط ناس يمرون تعبت أحيا بكل حب واغامر أرمي بروحي في متاهات وظنون تعبت أدور بين كل المظاهر حب .. ولكن .. كل حب بلا لون تعبت اصدق والخديعه تجاهر والصدق .. ميت بالحقيقه ومدفون تعبت أنادي .. كن حولي مقابر أصرخ وصوتي .. بالصدى يجرح الكون أجي غريبه .. وارجع بكسر خاطر أجي وأعود .. خافقي كله طعون |
راح الزمان اليوم فرق اتصالاتي عن البارح احس اتصل للغلا..واليوم للواجب ذاك احس يوم إني مع الشوق سارح اجيك واطا..في الملاقا للمصاعب وراح الزمان اللي به ازعل واسامح واحاول بقلبك..مع كل جانب يقطعك وقت يحدك بدون مصالح على قلوب..مالها بك مطالب اموت بالجرح..مارجى رحمة الجارح لك عام..وانت بحياتي حاضر..غايب |
انتظار كل مازاد العمر همي يزود وكل مايبقى من العمر اختصار حتى لو قلنا ياعمر الورد عود وش لقينا غير تعذيب ومرار مالقينا دروبنا سهود ومهود مالحقنا يالقهر شوف النهار غربة وكربة وحرمان وقيود ونظرة يسكن بها ألف انكسار ماخذينا يالصبر غير الوعود أحسب ان اسمي بهالدنيا انتظار العذاب اني مخير بالوجود والقهر مالي بخطواتي قرار غير جود الهم ماشي يجود لين أحس الدمع اليمن طاح نار والله ماقلته ياذاك العمر عود وانا مالي بالزمن ذاك اعتبار وش لقينا غير صدات وجحود ماترك لي قاسي الوقت اختيار كثر مافات العمر همي يزود الجروح اكثار والباقي اختصار |
دمع وجراح قصايدي تدفع ثمنها فروحي ماقد خبرت اللي كتب شعر مرتاح لا صرت لاهي عن دموعي ونوحي وشلون ابوصف دمعة بين الأفراح يا اللي كتبت الشعر طرب مزوحي مايستوي شعرك مع دمع وجراح بيني وبينك مثل ماقيل شوحي تصبح على فرحك وأنا فرحي ما لاح هم يجي قلبي وهم يروحي مهما تناسى شفت ماراح ما راح لا جيت أبحكي خانني صدق بوحي ياطا على جمرة خفوقي ولا صاح في غربة أيامي مع جرح روحي لا حاصل فرحة ولا نزعة أرواح صبرت ماجاني بوقتي فروحي يا من يشوف الوقت بعيون مرتاح |
ندري ولكن قليلة احسان يادنيا العنا فينا نار بأثر نار..ماتبرد ماوجعنا الفرحة اللي خذيتيها من يدينا والصرخة اللي تردد في مسامعنا لحظات ميلاد فيها الموت يطوينا% ويزورنا لين..تذرف له مدامعنا نبكي على الميت اللي راح يبكينا ونمشي بدربه..ولا يقدر يرجعنا ندري بما صابنا..ماهوب يخطينا ندري..ونجهل على الحق بتواضعنا رحلة..خذينا بها زاد يكفينا ولاخذينا بها نار..تمزعنا ننسى..ونذكر..والى منا تناسينا نعيش مثل الوحوش اللي تروعنا نزعل..ونرضى..وكلش مايكفينا ياكبر في ذا الحياة..اصغر مطامعنا نزيف احلامنا..ونبيع امانينا والصوت سيف..نخاف انه يقاطعنا |
{ لا همني قربك } لاهمني قربك ولاهمني رضـاك والله ولا ذكرى فـ قلبـي تجيبـك قصة غرامك حطها حدر ماطـاك عسى وهمها في الليالي نصيبـك ذاك الغلا يومه عن الناس بـداك للأرض .. عقب الثريا باجيببـك دور على غيري إذا كان يبغـاك خليـت للايـام طيبـك وعيبـك اللي يدور عشرتـك كنـه إيـاك ذاتك .. وذاتك بس وحده حبيبـك والله لـ أبيعك وأجرحك وأتحـداك يوم كشفت لي سود الايام غيبـك ماعاد تلقى بـي حنيـنٍ لـ ذكـراك محيت من قلبي غلاتـك وطيبـك كرهك شربته ظاميٍ من سوايـاك "قهرت قلبي جعل ربـي حسيبـك " الصد عندي .. من بقايا عطايـاك لابوك.. لابو .. كل طاري يجيبك |
عدت لأضع قصيدة سقطت مني سهوا من الديوان.. شكرا لكل من سيمر منه هنا الى اللقاء مع الشاعرة المرحومة عابرة سبيل.. |
اللقا والقرب لو ينشري بغالي
كان ابدفع من نظر عيني ثمن إي والله ياسارة الرائعة بهذا كنت أخاطب أحبتي صادقا !.... صح لسان الشاعرة الكبيرة ،وسلمت يداك للنقل الموفق ودمتِ أختا كريمة |
اقتباس:
اقتباس:
مرحبتين أخوي عبد الامير الله يكرم نفسك يارب يقرب لك قلوب الأحباب وديارهم ويفرح قلبك بشوفتهم.. واسفة جدا على التأخير بالتواجد معك هنيا.. |
| الساعة الآن 06:06 PM |
Powered by vBulletin® Copyright ©2000 - 2025, Jelsoft Enterprises Ltd.