|
گُمِتْ أكتبْ شِعِر وآنه مُشاعر |
دَمِعْ عيني على الخَدّينْ جاري |
عذول من البواجي جار مني
وعليك الدمع صد وجار مني اريدك كون تصبح جار مني وآضل مكابلك صبح ومسيه |
اتْگِلّي بَعَدْ ما ريدَكْ ولا بيكْ |
أُعَلِّمُهُ الرِّمايَة َ كلَّ يَوْم ٍ ------ فلَمّا اشتدَّ ساعِدُهُ رَماني |
صِرِتْ دَمْ الْمِشَه ابْداخِلْ وَريدَكْ |
يدنيه شبيج حصره دوم نفسي وعلى الطيبين دوم اتلوب نفسي اجر حسره ونزل ماصعد نفسي واذا يصعد حرك هدم العليه |
يصاحب لاتظن صابر على الهام
حزين وادك بجفوفي على الهام جفوني وتركو بكلبي عللهم وصبح حتى النفس ضايك علية |
نصحت الكلب من حبك ولا فاد
وجويته بنار صدكني ولا فاد هواي علاج جابولي ولا فاد دواي أنت يهل مبعد عليه |
اشْبِدَه مِنّي اوْ شَخْصَكْ علَيْ ما طَلْ |
حلو يراوغ حبيبي وحلو لعبة
راوغني ولعب بلروح لعبة طلبت من الفريق اتصير لعبة لعوووف الهدف بس يهجم عليه |
اقتباس:
جميلة جدا! اول مرة اسمعها تسلم يامحمد لتواصلك مودتي |
فنر شعلة هواكم خي وجن بيك ومصايب عافن الواشي وجن بيك اضن جن ما اضن انته وجن بيك جنك هذا هم جان بــــــــــــيه |
إعْجَزِتْ مِنْ شيلْ هِدْمي ما لَمتني اوْ عَلَيّْ ضاكَتْ الْوَسْعَه مالَمَتْني لَوَنْ تِدْري الْوادِمْ ما لَمَتْني الدَّهَرْ غَدّارْ يِمْشي ابْعَكِسْ بِيَّه حميد عاشق العراق 5 - 3 - 2012 http://www.1eman.com/vb/uploaded/1_01230990056.gif |
جرحك ما برة ولا دار حوله
بدليلي ومن ايديه الشرك حولة الوكت ينظر علية بعين حولة سلب روحي وطلع مشتبه بيه |
كلبي مافضه لغيرك وفظلك
وروحي مانست طيبك وفظلك أميزك من ألف صاحب وأفظلك ويظل حبكم طبع مطبوع بيه |
يشع لي جان محبوبي وَشِعْ لَهْ
هجرني ونار كلبي اصبح وَشِعْلَهْ لو أحرك أبو الجابـــــك وَشِعلَهَ بكبور النجف ، لو تـــــِرِدْ ليّْه ko |
تعال شبيك هجرك مو تلفني جنت بثنين ايدك مو تلفني شجاني ومالزمتك موت لفني وطمني شلون افلتك من ايدية |
جَرْحِ لْبِيَّه كافيني وَزايِدْ أظِلْ لِلْموتْ أحِبْكُمْ وَزايِدْ ابْمَزادِ الْحُبْ أريد اگْعِدْ وَزايِدْ وَگِلْ لِنّاسْ حُبَّكْ بَسْ اِلِيَّه حميد عاشق العراق 15 - 3 - 2012 http://www.1eman.com/vb/uploaded/1_01230990056.gif |
غيرك من عبر عل روح .. ويجوز وأنجن لو غبت فد يوم .. ويجوز اموتن يل شفاهك عسل .. ويجوز امنضوكَك ما يظل كل مرض بيه |
إلَكْ حَنّ الْگَلُبْ وِلَكْ مالْ |
عليك اسأل هبوب الريح لوهب
وعليك الكلب كالمجنون لوهب جمر فركاك وسط الروح لاهب ويطفه بكلمه من تسأل عليه |
عذول من البواجي جار مني
وعليك الدمع صد وجار مني اريدك كون تصبح جار مني وآظل مكابلك صبح ومسيه |
السكن بالگلب دﮒ اوياي دگه چنت عنبر أحسبه وطلع دگه يشامت عاد طبلك حيل دگه إجت من صالحك ماصار بيه |
طبيبي لاتجس النبض نازل
وحيلي على فراك الولف نازل تمنيتك بسد الدار نازل ولا غيرك أحب جيران اليه |
يروحي المالها جارة ولا حل
طحت لا كالي اسم الله ولا حيل حبيبي لا كرب يومي ولا حل يحل العيد اذا بين عليه |
جذب عيني تحب غيرك وابدلا
ثوب مفصل الطولك وبــدلا اكص كلبي اذا عافك وابدلــه وابدل اضلوعي اذا شكيت بيه |
على جيدك ينام الطيب والماس
ومشية ريم الك عن قصد والماس اشمك كون من الشعر والماس من اجيسك خاف تتبدة عليه |
المعين الله على حسنك ولك عان
وكتلني الشوك البروحي ولك عن الك حاجب والك شفه والك عين والك صفنة غزل شمسوية بيه |
قفل حبك بكلبي وسكراني
وندى شفافك حبيبي سكراني أبشرك صار بية سكر اني وحلاوة شفايفك العمت علية |
جرى دمعي على الوجنات ياحيف
وعلى الناس الماتقدر التعب ياحيف آني ألجنت أخوف خفت ياحيف ولذت بالجانوا يلوذون بيه |
تلف كلبي بجفاكم حيل وانظر !
اسال الدلال وانظر ! ادير العين عالدربين و انظر ! عسى كلبك يحن وتمر عليّه . |
الك ياصاح ماظل مني خاطر
واحسبه احساب دربك من اخاطر تعال كرب حبيبي مني خاطر تعرف اجنون حبك اسوه بيه |
اظــــــل نـــــــاطور حبـــــك طـــــول الايــــــــــــام
واضــــــل ســـــــهران احلــــــم بــــــس احــــــاجيك انـــــــه جفونــــــــي قطـــــــــار ودموعــــــي ركــــــاب كلهـــــــه تصيــــــــح نـــــــــازل بـــــــس الاكيــــــــك |
على ضيم الهوى ياروحي علمي
بيهة ارفعت من هاليوم علمـــــي سألتها المستوى كالتلي علمــــي سادس ومنو الينشد عليـــــــــــة |
الجفن هددنــي.. أرفن؟؟ ما ترف رف اذا راية حيـــــــاتي ..... ما ترفرف وبمكتبة عمري مات.. رف . رف بعد بس آنه اموت وهاي هيه |
اريد ادخل بساتينك و جنتك وابوس شفايفك؟ جفك ؟ وجنتك؟ زوج شفافي الك راحن وجن تك !! وتك ظل عالوجن ما رد عليه |
دخت ما ميز البارد .. من الحر وغديت العبد ما عرفه .. من الحر صرت عريان مو شاعر .. من الحر امصلخ والرطب مطبوخ بيه |
صاغك صوغ سبحانه وتعالى
جمالك فوك كل اسمر تعالى اجيك زحوف بس كلي تعالى واعوفن كل شخص غالي عليه |
عليْ نص الهوى بشرعه ونص لك.....
ولازم نعتني الشخصك ونصلك..... يمالك مهجتي نص لي ونص لك ... والك ثلثين عقلي وثلث اليه |
| الساعة الآن 07:26 AM |
Powered by vBulletin® Copyright ©2000 - 2025, Jelsoft Enterprises Ltd.