|
اناشد منهو لبكدي ترس هــــــــــام
وانه من الضيـم توصلني تره سهـــــــام رموني من الظهــرغفلــــــه تره اسهام حرام من الصدر جروهه اليه |
سهم صدك يغالي .. ما ضبينه حلو وطاح بقياسك .. ما ضبينه ادينا الغير ايدك .. ما ضبينه خنتني وشمتت عذال بيه |
السكن بالگلب دﮒ اوياي دگه
چنت عنبر أحسبه وطلع دگه يشامت عاد طبلك حيل دگه إجت من صالحك ماصار بيه |
يقريني زماني ادروس ونسه
وعلى حالي بجت رضعان ونسه يكلي جوز من اهواك ونسه اشلون انسه وتصاويره بديه |
أغنيلك بطور العشك رديت
اجدامي اتخالفت من يوم رديت هذا آنه حبيبي لاجلك رديت ولاجل حبك سكنت الناصرية |
روحي وياك يسمر راحت آني
وراح انتظر جيتك راح اتاني ضل مشلوع كلبي وراحتي اني الكاهه من تجي ونكعد سويه |
على شوفك احس كلبي ولك صار
ورفض كل مطلب لغيرك ولك صار كلت باجر امر يمك ولك صار سبع اسنين مامريت بيه.... |
أخي أحمد سلام الله عليك لا تؤاخذني .. أود أن أسأل سؤالاً : ما المقصود بالأبوذية؟ وما أصل هذه الكلمة ؟ مع فائق الاحترام تحية ... ناريمان |
صباحك سكر
ياغاليتي ناريمان بعد اذن الاستاذ احمد لاني اراه قد تاخر عليك الابوذية ضرب من ضروب الشعر الشعبي وهو مؤلف من بيتين بأربعة اشطر ثلاثة منها في جناس واحد تتحد في اللفظ وتختلف في المعنى وينتهي الشطر الرابع منه بحرفي ( الياء والهاء ). اما عن اصل كلمة (الابوذية) فاغلب الظن انها قد جاءت من كلمة الأذى وذلك لما يتحمله صاحب الابوذية من صعاب تجعل منه يقول شعرا يحمل اهات ولوعات وهو فن من الفنون الشعبية العراقية الريفية الاصيلة وهو ترجمة حية لاحاسيس ومشاعر انسانية عاشها الانسان العراقي خلال حقب متراكمه من الزمن . فراح يجسد ويترجم معاناته بلهجته الخاصة وحسب الحوار اليومي الذي يدور في منطقته وكثيره هي اللهجات المحليه في المدينه والريف والباديه وتختلف مفردات حوارها من منطقه الى اخرى . فأبن الريف قد ترجم معاناته بالابوذيه وغيره من الوان الغناء الريفي ، وابن الباديه ترجم احاسيسه (بالحدي والسامري والهجيني والمسحوب وغيرها ... ) . والانباط ترجموا معاناتهم بالشعر النبطي والذي مازال منتشراً في الجزيره العربيه . وهذا نموذج من الابوذية لا تبخل برايك يا خويه على من شارك(اعطاك الرأي) لا ولا تحضر سيوفك لاخوتك ومنشارك(المنشار) ترى أنت وجارك وكل من شـــــــــارك(من ساهم ) بهذا العراق أخوان أليه تلاحظين هنا كلمة من شارك مختلفة المعنى في كل شطررغم انها تحمل نفس الحروف اتمنى ان اكون قد اوصلت لكِ معنى سؤالكِ واتمنى ان اكون مصيبة في نقلي لمعنى الابوذية مع ودي |
اقتباس:
جميل يا أميرة صباحك الخير كله أشكرك .. حقيقة أنا سعيدة بأنني تعرفت على شكل من أشكال الشعر العراقي الأصيل أما النموذج الذي اخترته للاستشهاد به أيضاً كان جميلاً ذا معان سامية بوركت ... من القلب تحية ... ناريمان |
نحيل انه بغيابك - لا تهدني ودخيلك للعواذل - لا تهدني محتاجك تكضني - لا تهدني فرهدني السكّم غصباً عليه |
ترف لجلك دموع العين هليت
ولطروشك كمت هليت يشهر فراكنة لاجان هليت تذكرني وناري تسري بية |
الغيرك ما نزل دمعي .. ولا هل
ولا طل بدر للفرحة .. ولا هل بعد ما أسالك يمته .. ولا هل ترد ما دام ذكرى الجرح بيه تحياتي يا أميرة المنابر ولك ِ وللجميع محبتي |
يكلبي انساه شوك ...لا يكلي
لان اجروحي كلش...لايكلي كلتله تخون بيه ....لا يكلي وبعدنه بلا يكلي وخان بيه |
أحبابي شلون حالتكم .. بعدنه اشبدينه و الدهر عنكم .. بعدنه إنجان انتو نسيتونه ...... بعدنه ابذكركم كل صباح و كل مسيه 26 2 2011 |
هله بطاري الاحبه اليوم من طر
عزيز انت وعليك الگلب منطر وحگ عينك عليه المسچ من طر كلامك والنفس صارن سويه |
هاسل الگلب بچفاك هامات
وياما اكبال سيفي انحنت ها مات اخبرك روحي نص الليل ها ما ت عليك اوسحل جابتني امن اديه __________________ |
عالي الشان اظل بالماي جزيت طبع بالروح مافد يوم جزيت اذا انته كتبته وكمت جزيت بحبر من دم كتبته وعظم اديه |
يَحِلْوَه الشامه لبْخَدِّج و ِدَكَّه وْتدِكّ وِيّايْ دَكَّه بْأثَرْ دَكَّه بَعَدْ ما أوصَلْ لْبابَكْ وَ دِكَّه لأنْ ساسَكْ رمُلْ وِنْهِدَمْ بِيَّه ******************* 23 3 2011 |
هلي وياهم چنت عايش بلاهم ونهاري شما ضوى مظلم بلاهم هلي مدري الوكت شنهو بلاهم ولاهم اعرفوا بالصار بيه __________________ |
كتلني بمشيته ولفه وزاره وحبيبي ملك وتخدمه وزاره عونه الراح يم بيته وزاره يشوفه كبل ماتدني المنيه |
رُبُعْ عمري إلِجْ يِرْخَصْ و نصْفي يَحِلْوه ارْجوجْ إفِهْميني و نِصْفي نصْفي غارِكْ ابْحُبِّجْ و نصْفي سَبِعْ لوعاتْ بَسْ يِبْجَنْ عليَّه *********************** حميد 25 3 2011 |
إكْتِبْلي شمارِدِتْ تِكْتِبْ وَر ِدْلَكْ أزْعَلْ وابْتِعِدْ وامْشي وَرِدْلَكْ بِساتينْ ازْرَعِتْ وَسَطْ كَلْبي وَرِدْلَكْ عزيزْ وغالي تُبْقه عَلَيَّه ****************************** حميد 26 3 2011 |
نحيل وبايد امن المرض جسماي
وبعدكم من اجيس النار جس ماي جسم باطل وياي الوكت جسماي اخذ ثلثين حك وثلث اليه |
يكلبي اياك ثمه وياك
وبالك من صديج الضحك وياك يجمع بالحطب وايريد وياك يفرح من تظل نارك سريه __________________ |
يعكرب هل وكت بيه ولا ساع
اولا يوم الفرح جاني ولا ساع سعيت لصاحبي ابضيجيه ولا ساع لان صحبت دراهــــــــــم مو خوية |
كلتلك لاتجف السر غطه
وسهم البين بدلال غطه عليش اجمل الغركان غطه اهمش ولجرف مبعد عليه |
أَكَضّي بِاللَّهُو عنَّك ..... نهاراي ودْموعي كِرَنْ بخْدودي ..... نهاراي نِهَرْت النَّفِس ما قِبْلَت ..... نهاراي اتِّّحْدَوا رايْهم و ِعْملََِوْا بيَّه ************************** 31 3 2011 |
متى هلال السَعَدْ بالعِزْ .... يِهِلْنه زَمانْ الشومْ بالغُرْبَه ......... يِهِلْنه و اللّه لمَّنْ أذكرْكُم .......... يَهلْنه تِشِبّ و تِنْطُفي النيرانْ بيَّه ************************ 1 4 2011 |
لعب بيه غرامك كتبه طــــــره گليبي الوكت طرين طــــــــره طريچ الشوگ گلبي وياك طره وبطريچ الشوك گلبك خان بيه |
هوينه وغير شخصك ماهوينه وعليك العين تسال ماهو وينه امد ايدي اعله كلبي ماهووينه اذا عندك دخيلك رد اليه |
كل مغرم برت علتـــه وناله سعيد اللي حضه بشخصك وناله الطارش من سمع نوحـي وناله ترك شغله وبجه رحمــه عليه |
هَلي انْعِرْفَوْا بْطيبتهم .... و منهم اوْ كِلْ خيرْ انْوِجَدْ بيهُم .... و منهم منهم مَنْ كِضَه نحبه .... ومنهم بُكَه ينتظرْ ساعات المِنِيَّه ************************* 3 4 2011 |
لوراساً تكلي ارجوك هدنه تعاركني وتكلي اردود هدنه ولك والله العشك وياك هدنه مريض انا وتعال اسئل عليه |
هجرك يا ولف صاير بلا حد مثل سيف اليكص ركبه بلا حد كلتلي انتظر انه ارجع بالاحد اجه الاحد يمته تعود اليه |
اصد وزعل وادير العين طبعين بسبب لجمات الك بالگلب طبعين حلو وتنحب لكن بيك طبعين تشك وتغار من روحي عليه |
ما رِدْ لو شربْت الآه و الحسرات .... و الهم آنه اسْحكْ دوم بيدي الصبر.... والْهَمٍ ما رِدْ لا وحكْ الصاغْ هذا الشعر .... والهمْ عنيده و فوكْهه همْ هاشميَّه ************************* 5 4 2011 |
يلوج الكلب يحبابي وراكم وعجاج الضعن سد عيني وراكَم يدمرني الحلم بيكم وراكم ويريت الحلم واليقــضه سويه |
انا اللي ماكرر بحجي ولا عيد ولا احسب بزلاتك ولا عيد شمالك ماتمر بيه ولا عيد مادريت الخلل بيك مادري بيه |
هاك الكلب بيدك حيل طحنة امس فوك النجوم و اليوم طحنه شبيدينة و بالعشك يا ناس طحنه غشيمة كَلوبينه تحب الاذيه |
| الساعة الآن 09:56 AM |
Powered by vBulletin® Copyright ©2000 - 2025, Jelsoft Enterprises Ltd.