احصائيات

الردود
5

المشاهدات
3666
 
حسام الدين بهي الدين ريشو
مشرف منبر بـــوح المشـاعـر

اوسمتي


حسام الدين بهي الدين ريشو will become famous soon enoughحسام الدين بهي الدين ريشو will become famous soon enough

    غير موجود

المشاركات
7,004

+التقييم
1.48

تاريخ التسجيل
Apr 2011

الاقامة

رقم العضوية
9844
06-29-2016, 02:44 AM
المشاركة 1
06-29-2016, 02:44 AM
المشاركة 1
افتراضي زيف البدايات !!
زيف البدايات !!
=======
للشاعرة / هبه البسيوني
=============
يمكن زمان بعدِت عشان
ملقتش فيك
ولا حاجه م اللي وعدتها..

طاب هي فعلا اللي بعدت؟
ولا انت اصلا بعتها .!؟
جايز تشوف نفسك ملاك..
جايز تشوفها هلاك.. ونار
بس السؤال..!
هو انت امتى فهمتها.؟
ولا انت امتى ف ضعفها
قوتها بيك..؟
كان يبقى كل الجرح منك..
تشكي منك
بس ليك..!
لما أنت اصلا "ماشي" ليه.!
تشبك ف قلبك قلبها.. ؟
لما انت قشه ف موج محيط
بالقش ليه علقتها ..؟
لو كنت فاكر إن القلوب
حُرمتها سهله.. !
أو جه ف بالك
إنها للدنيا جاهله..
وإن انت روميو وشهريار..
بطل هزار..
ترابيزه الآه والألم متحركه..
الدنيا فيها كاسات كتير
وكاساتها ديما مُربكه..
بتلخبط الكون والكيان..
الرحمه بس تجوز عليك
بتجوز على القلب اللي خان..
كلمه خيانه القصد بيها
مش بس رُحت لواحده تانيه!
أنا قصدي بيها إنها
لو جات ف حضنك بس ثانيه..
تبخل تحسسها بأمان ..
اوعاك تفكر يوم ما ترجع
هتلاقي شوقها بتاع زمان..
البنت يوم ما تقول هتنسي
راح تنسى إسمك والمكان..
وملامحك السارحه وعنيك..
والدقن لو بتليق عليك..
أو حتى لأه..
كل اللي باقي ف قلبها
كام ألف دقه..
محتفظه بيهم للزمن..
يمكن تلاقي ف يوم أمل
فتعيش عشانه..
أو طفل واخد لون عيونها
ويكون كتير يشبهلها
وميكونش شبهك..
ولا حتى فيه من قسوتك
ولا طبع قلبك..
جايز تكون كات عارفه امتى
راح تنتهي كل الحكايه..
وإنك هتاخد
دور البطوله ف فيلم.
وعارفه برضو إنها..
ف شريط حياتك
دوبلير ف تتر من النهايه..
بس إحنا ديما طمعانين
ف التجربة
ونسينا إن القصه
متعتها البدايه..
وان البدايه
ف الأصل خطوة صغيره
لا عليها ترسم سكتك
ولا تخترع مشهد نهاية..
ترابيزه الآه والألم متحركة..
الدنيا فيها كاسات كتير
وكاساتها ديما مربكه. .
بتشقلب الكون والكيان
الرحمه بس تجوز عليك..
بتجوز على القلب اللي خان.. 😊


قديم 06-29-2016, 02:45 AM
المشاركة 2
حسام الدين بهي الدين ريشو
مشرف منبر بـــوح المشـاعـر

اوسمتي

  • غير موجود
افتراضي
زيف البدايات
عنوان يوحي بما تحمله القصيدة
ولعل الشاعرة الواعدة
الأستاذة / هبه البسيوني
تؤكد به مقولة :
أن العنوان هو عتبة النص
مما يدل على أنها شاعرة متمكنة من آليات الكتابة

قراءة النص
تأخذنا دون أن نقصد إلى آفاق متماوجة من الإحساس
الممتزج بالمرارة
النابض بالشجن
لأن الرياح خانت
لم تأت بما تشتهيه السفن أو تتوقعه
لكن الجديد
أنها لم تبك على الأطلال
لكنها كانت يقظة
متسلحة باتزان القلب رغم الصدمة

الأستاذة الشاعرة / هبه البسيوني
لك التحية ولنصك التقدير
وكوني بألف خير

قديم 08-20-2019, 10:21 AM
المشاركة 3
مها عبدالله
من آل منابر ثقافية

اوسمتي

  • غير موجود
افتراضي رد: زيف البدايات !!
أعجبني كثيرآ قولها : العنوان هو عتبة النص
شكرآ أستاذ حسام على النقل الراقي
لك مني أطيب المنى

قديم 08-20-2019, 12:01 PM
المشاركة 4
هيثم المري
من آل منابر ثقافية

اوسمتي

  • غير موجود
افتراضي رد: زيف البدايات !!
للشعر الشعبي إبداع خاص جدآ
تحياتي سيدي لإختيارك الجمال

قديم 08-20-2019, 01:16 PM
المشاركة 5
حسام الدين بهي الدين ريشو
مشرف منبر بـــوح المشـاعـر

اوسمتي

  • غير موجود
افتراضي رد: زيف البدايات !!
أعجبني كثيرآ قولها : العنوان هو عتبة النص
شكرآ أستاذ حسام على النقل الراقي
لك مني أطيب المنى
تحيات تليق
أستاذة مها
مع خالص الشكر
والتحية

قديم 09-03-2020, 08:25 PM
المشاركة 6
ياسَمِين الْحُمود
(الواعية الصغيرة)
عضو مجلس الإدارة سابقا

اوسمتي
الحضور المميز الألفية الثانية الإداري المميز الألفية الرابعة الألفية الثالثة الألفية الأولى وسام الإدارة التكريم الكاتب المميز 
مجموع الاوسمة: 9

  • غير موجود
افتراضي رد: زيف البدايات !!
بورك النبض و الحرف
و كن كما أنت ،،،

ليت الزيف يكون له نهايات

حسام .. دمت غيماً ممطراً


مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

الانتقال السريع

المواضيع المتشابهه للموضوع: زيف البدايات !!
الموضوع كاتب الموضوع المنتدى مشاركات آخر مشاركة
كل البدايات الى ... !! حسام الدين بهي الدين ريشو منبر القصص والروايات والمسرح . 23 09-17-2019 12:16 PM

الساعة الآن 11:18 AM

Powered by vBulletin® Copyright ©2000 - 2021, Jelsoft Enterprises Ltd.