[poem=font="simplified arabic,6,black,normal,normal" bkcolor="skyblue" bkimage="" border="double,4,black" type=1 line=1 align=center use=ex num="0,black""]
احسن سمات الشحاذه يوم تشحذ همم=وتصب من نهر نقصك في بحور الكمال
واسوأ صفات العباده يوم تعبد صنم=وتترك قناعات نفسك كلها من خلال
ايمانك بفكر سلبي كان منذُ القِدم= يؤمن به اللي غوى بين الهدى والضلال
صارت حقيقة وجوده خاضعه للوهم=ماعاد يفرق معاه الفعل من الافتعال
في عقله الباطن .اللاّ . تمتزج ب/النعَم=مابين حق ارتباط وبين حق انفصال
في انتماءه وتمجيده لرب النِعم=اللي عطاه بحياته كل هذا المجال
عشان يمحي خطايا مامحاها الندم=ويمسح بيمناه ذنب ٍ كاتبته الشمال
العقل نقمه كبيره ياوساع الذمم=والعقل نعمه كبيره ياوجيه الحلال
بالظلم تفنى حضارات وتهاوى امم=وبالعدل تولد من الارحام ثورة رجال
ترفع سواري يرفرف في قممها علم=وتبني من الواقع الموجود واقع خيال
الناس ذي كلّبيها جايه من عدم=والناس ذي كلّبيها رايحه للزوال
عين الصواب التروي واتباع الحكم=الاخطاء تاتي كثير احيان من الانفعال
ماكل من لبس عِمّه قدّر اهل العمم=تبقى النوايا هي الاصدق على كل حال
واللي ترك للخلايق بعد موته شِيم=افضل من اللي ترك من بعد موته عيال
الله ماكبر طموحي رغم كبر الالم=مدري بنصف المسافه عاد لي احتمال؟
ماهي بصعبه على آصير بأعلى القمم=لاصرت من قبلها داهل صعود الجبال
بركان صدري يثور ومابصدري حمم=لنّه يشابه لصدر الشمس عند الزوال
يحرق بجوفي الكثير الا كثير القِيم=ماعاد من راس مالي غيرها راس مال
[/poem]