منبر الشعر الشعبي والمحاورات الشعرية.قصائد الشعر الشعبي ( العامي) بجميع لهجات البلدان العربية .والمحاورات الشعرية الشعبية.
أهلا وسهلا بك إلى منتديات منابر ثقافية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله
في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله
لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله
صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد
جرح دامي ..
يمكن أقرب للجنـــــــــون...
من تفاصيل الحكاية..الاساور والمرايه..
عندي همــــــوم القصيده غامضه صعبه عنيده..
وانت عاشق للوضــــوح ..
ودك بسري ابوح..و انا اخر همي بــوحي
اعبر الشارع ... في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأغلى حرف عندي..أما اخر وحده دايم للي فات..
من هموم وذكريات ..زحمة لكن كل من في القهوه ربعي
كلهم دمي و دمعي ليه ما تجلس مكاني
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقــول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كســـــروا العشـــاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله ..
و اني احـــلم بـــس احلــــم ..
فـ عيني تغيب الشمس .. وتشرق افـ عيني
في ناظري للشمس .. موتٍ وميلاد
لليل في دمعي سنا .. نجمتين
وللصبح في جفني شفق هم وسهاد
كن السهر دربٍ عليه ابـ تجين
ولا ودي أقطع درب لاماك برقاد
ياللي جميع الناس بينك وبيني
وكل لحظة أنا نتظر منك ميعاد
عذري لياسي منك .. إنك تبيني
خنت الرجا.. وان صنت لي عهد ووداد
ولمصافحك ربي خلق لي يميني
أمدها لك وصل وأمدها بعاد
البسمتك ترخص غوالي سنيني
جرحي يهون ووجاير الشوق يزداد
أنسى عذاب العمر و ما أنسى حنيني
تبلى ليالي العمر وجروحك جداد
وين تبدا هاالمدينه .. كل يوم ..
من رصيفٍ عاريٍٍ تحت النجوم ..
من عناوين الجريده ..
في المواني .. وحمرة عيون المسافر ..
ضحكة الصبح الجديده ..
أخر اوراق التذاكر ..
اوبعد حبر الختوم ..
وين تبدا هاالمدينه .. كل يوم ..
ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..
ومدري وش سر الجنون ..
اني اعرف ..
انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
وما عرفتك ...