كنوز ادبية ..لمواهب حقيقية *
ان غالبية المهتمين بالشان الثقافي والابداعي والكتابة الادبية بشكل عام يعانون من ضائلة المعلومات الشخصية عن اصحاب الابداعات الثقافية، والتي من شانها ان تساهم في فرصة ايصال رسالتهم واعمالهم وافكارهم مع القارئ الذى له اهتمام بانتاجهم الفكري والتواصل معهم ليس فقط من خلال ابداعاتهم وكتاباتهم ، في حين هناك من هم علي الساحة يطنطنون بشكل مغالي فية ،لذلك فان اللقاءات بهم والحوار معهم من اجل اتاحة الفرص امامهم للتعبيرعن ذواتهم ومشوارهم الشخصي في مجال الابداع والكتابة.
لهذا السبب كانت هذة هي الحلقة الثانية من السلسة التي تحمل عنوان ( كنوز ادبية لمواهب حقيقة ) والتي ان شاء الله اكتبها عن ومع بعض هذا الاسماء
صابر حجازى ..اديب وكاتب وشاعر مصرى
الاديب المصرى صابر حجازى | Facebook
http://www.facebook.com/SaberHegazi
***********************************************
نماذج من ابداعات الشاعر الدكتور هاني أبو الفتوح :-
الطِيرْ اِشْتَرَى حُرِيتُه
-------------------
يناير .... شهر دا ؟
وللا فَرْحْ الدنيا ...
هَالِل بالبشاير ؟
أنا شُفتُه ..
شفت الخضرا جَاهَا الخير
والمحروسة ... مِسْتَنيه دُورها
واقفة بتغزل في الضفاير
وعريسها شاب صِغَار
جاي لها من الفرحة طاير
بيقول ... قوليلي مَهرك إيه ؟
لو حتى عُمْرِي ... ها أقدمه
دا كفاية عِشتْ العُمر حَايِر
.................................
أقول عروستي ....
لأ ... مش عروستي
إللي شايفها كل يوم ..
يبيعوا فيها ويشتروا
ويباركوا دُخْلِتْهَا علي وِِلْد الأكابر ...
سألت روحي ..
لِحَد إمتى أفضل كده ساكت وصابر ؟
أنا عروستي حرة ...
لا ظُلم فيها ... وخيرها ليها
إزاي أسيبها تتغصب على ظلمها !!!
العيب هنا في العروسة ؟
ولا العريس إللي سَكَتْ ...
و وَقَفْ يِِكَابِر
ولو يطول صبره لِبُكرَهْ ...
بُكرَه الحزينة تِتوِِرِثْ ...
يِورثها فاسد ... وللا فَاجر
................................
إزاي يكون ..
وأنا من زمان مستني فَرَحِك يا حزينة !
ثلاثين سنة ..
إمتي تعودي وترجعي تحيي إللي فينا ؟
وإللي باعوكي واشتروا ...
دول دمهم مش مننا
إحنا عروق الدم تغلي تِتنَفض
أما يبيعوك قدام عنينا
يا أغلي من روحي ...
يا روحي ... إحنا لبعض
أنا إللي ليكي ... إنتي إللي لينا
و إنتي إللي ضَي العمر كله
إزاي يضيع الضَي دَا كِده من إيدينا ؟
.................................................
من أول الشهر ...
و بشوف لك كل يوم حلم
مش عارف أفرق
حلم السعادة دا ؟ ...
ولا دا حلم الهموم ؟
شايف السما برق ورعد ...
مليانه غيوم
والسحاب يجري ..
يقول خلاص .. للظلم يوم
لكل ظالم يوم قيامه ...
والقيامة لازم تقوم
.................................
ألوان كتير داخله في بعض
أحمر في اسود .....
وسط توب أبيض حزين
إللي شايفه دا لون علم ؟
ولا دا ألم السنين ؟
والدموع ... دي دموع فرح ؟
ولا دموع قلب في لحظة للفراق
وبينجرح ؟
...................................
يا ترى .... إيه إللي شايفه من بعيد ؟
دا بحر دم ده ..
ولا شربات أحمر بيجري في الوريد ؟
ولا مولود .... بيتولد هنا من جديد ؟؟
و لا دا فجر بيشق الطريق ...
حالف لَيِمْلا الدنيا عيد ؟
..............................................
وإللي شايفه مستحيل ...
دا شعب ده .. ولا طوفان ؟
ويا ترى ..
إللي سامعه دا صوت الملايكه في السما ؟
ولا دا صوت الأدان ؟
وللا صرخة واحدة بتهز الميدان ؟
......................................
ويا ترى الدخان دا نار ؟
وللا لوحة فوق جدار ؟
وللا شعب بينه وبين الظلم تار ؟
حلم دا وللا حقيقة ؟
جايه تغسل ألف عار . وأي عار ؟
..........................................
عار السكوت !!
وعمر عدى الكل هُس .....
ما أسمعش صوت
وعار لخوف !!
خللي القلوب جوه الصدور ...
مرعوبة موت
ونفاق وكدب طول السنين
حتى النفس ناخده بشروط
.................................
والطبل والزمر لازم كل يوم
عشان المؤامرة تكتمل
يجى بسلامته في شهر عشرة
وينسجوا كل الخيوط
جاي العريس يغتصب بلدي وعروستي
ويبيع فيها ويشتري ...
ما شبعش منها المفتري
أنا قلت لأ ... مستحيل دى حتة منى
الشهر لا يُمكن يِعَدِي أو يفوت !!!!
.....................................
الشهر دا حد فاصل بيني وبينه
صدر القرار من عند ربي
والبطل يا خد الحق بيمينه
قلت خلاص .... أنا صبري طال
والليل نهايته أمسكه بإيدي أخنقه
و صُباعِي .... أحطُه جُوه عِينه
وف آخر الشهر ترجع لي حبيبتي
والجبان يلعن فساده إللي اتزرع
يلعن الظلم و سنينه ....
...........................................
قبل نهاية الشهر ده ...
دست الزناد
الكل كبر في الميعاد
قام وقال ...
الله اكبر ... الله أكبر
دا الثورة بترج البلاد
الظلم لو هيزيد في عنده
أنا كمان بزيد عناد
إنت بتخنق في البلد
بس الجنين دا ....
لا يمكن يتخنق وقت الميلاد
بيقول خلاص إنت انتهيت ....
لازم هتمشي ...
خد معاك الحاشية وحشود الفساد
العادلي يمشي . وعز يمشي
وكل إللي باع واشترى
وإللي افترى ...
وخللى البلد أكبر مزاد
.................................
و إنت انتظر في السن ده يوم الحساب
خللي عمايلك تنفعك ...
و للا الخطط
و للا الجمال والبغال ...
و الخيول وللا الكلاب
ولو تشوف إللي بأشوفه وأسمعه
و إللي مكتوب في الصحف
وللا الكتاب
ساعتها تلعن خلقتك
وخلفتك وحاشيتك
وكل سنوات العذاب
كنت فاكر العروسة بتعشقه
الحرة عاشقة الحر الصغار ....
ابن البلد ......
رجع لها بعد الغياب
و الطير خلاص
اشترى حريته بدم الشباب
.. الطير خلاص
اشترى حريته بدم الشباب