0000
أحبابي في كل مكان
مبروك ال جاكم رمضان
ووجدكم في نعيم وسرور
وواديكم بالهنا عمران
مبروك ال جاكم رمضان
إن كان بصيامه بيتعبكم
دا لإنه بيمحي خطى ذنوبكم
وتعودوا لله أبرار
في قلوبكم ذكر وإحسان
مبروك ال جاكم رمضان
بتغـرّ الدنيا اللي يصيدها
وبينسى الآخرة ومواعيدها
وفي شهر الصوم قلبه ينوّر
يتوجّه نحو الرحمن
مبروك ال جاكم رمضان
كل الشياطين فيه بتتكتّف
لاجل المخدوع يصحى وينضف
من خالف نفسه وصاد تقوى
ها يـعـمّر قلبه الإيمان
مبروك ال جاكم رمضان