عريان السيد خلف





شاعر شعبي عراقي ولد في محافظة ذي قار في اربعينات القرن العشرين في قلعة سكر على ضفاف نهر الغراف بدأ نشر قصائده مطلع الستينات من القرن العشرين عمل في الصحافة العراقية وفي التلفزيون وفي الأذاعة وحصل على جوائز وشهادات منها حاصل على وسام اليرموك من جامعة اليرموك من الأردن شهادة دبلوم صحافة عضو نقابة الصحفيين العراقيين واتحاد الصحفيين العرب ومنظمة الصحافة العالمية عضو في جمعية الشعراء الشعبين العراقين له مواقف سياسية معارضة من نظام البعث رغم الضغوطات التي افرضت عليه لكنه استطاع ان يبقى في العراق في زاوية مظلمة تجنبا للمواجهة السياسية يمتلك شعبية كبيرة داخل العراق وخارجه استطاع ان يتواصل مع حركة الأدب الشعبي عن طريق طبع الدواوين أو إعادة نسخ ماطبع نشر عدة قصائد ذات مغزى سياسي رافض منها قصيدة القيامة التي وصف فيها مدينة كربلاء ابان انتفاضة الجنوب عام 1991 وقصيدة شريف الدم التي اهدها لمقام الحسين ع كما ونشر قصائد سياسية في السبعينات كشفت عن هويته الفكرية مثل قصيدة نذر وقصيدة الشاهد كتب للعديد من الفنانين العراقيين ومنهم فؤاد سالم وقحطان العطار وسعدون جابر ورياض أحمد وامل خضير وعبد فلك شكل ظاهرة شعرية مع الشاعر كاظم إسماعيل الكاطع من خلال بعض السجالات بين الشاعرين كان اخرها قصيدة ماترتاح التي جاءت رداً على قصيدة الأخير والتي عنوانها ما مرتاح يعتبر عريان السيد خلف اليوم من الرموز الثقافية الوطنية التي يعتبرها الكثير من العراقيين رمزاً للوطنية والمبدئية العالية وهو اليوم يمثل أحد اقطاب الشعر الشعبي الثلاث في العراق بالإضافة إلى مظفر النواب وكاظم إسماعيل الكاطع. ويعد الشاعر عريان من أهم رموز الشعر الشعبي العراقي الحديث اصدر أكثر من ستة مجاميع شعرية منها الكمر والديرة. كبل ليله. أوراق ومواسم. شفاعات الوجد.بالاشتراك مع الشاعرين مظفر النواب وكاظم إسماعيل الكاطع صياد الهموم. تل الورد. وكتب الشعر بنوعيه الشعبي والفصحى.







من اشعارة (لاتجينه)


لاتجينه 00 لاتجينه 00 !!
جان كلت : ابو حبه الأبيض 000
غير معشركم لكينه
جينه مشتاكين 000
وبلهفه 000
او تسد بابك علينه
جينه يدفعنه الهوى 00 اودمعاتنه اتكطر بدينه
او جنت اظن عندك وفه 000
او روحيته 000
من فرد طينه
غمكت جرح الجفه 000

او زدت 000

الكلب ونه لونينه

اعتب اعله الروح 00 جي لنها اعله ريحتكم حنينه


واتب اعله الشوك 000 والعشرة اوسوالفها الحزينه


علمتني اشلون يتبره 00

الخوي 000

او حمل اليكع محد يعينه
عفيه صحبة هالوكت 000
بيها اليجافي 000
اشوكح عينه 00 !!

اولا تجينه 00!!

- ما اجيكم 000
واليدك بابك 0 بعد تنشل يمينه

اوجينه 000
مدري الجدم زل بينه اعله دربك 000

لوعمينه

اوجيت ارد روحي 000
البكت سنتين 000
بديارك رهينه
او جني ضيف !000
اوعادة الينضاف 000


للخطار 000
يرخص ماي عينه

وانته 000

ماجنك ربيت ابماينه 000
او شارب حنانه
وانكرت حتى العرف 000
يوم الوكت 000
بيدك رمانه
عفيه كلبك هلبت ابساعة 000

وفيه 000


وبالك طرانه

اوجينه نشجيلك 000

عذاب اجروحنه 00

او لوعة هوانه

آخ 00 يا دمعك فلا يبطل 000

يهل 000


لمن عمانه

ياعفه اكلوب التشيل 000

الظيم 000

وشنحمل عفانه


اوحتى اعز الناس من طحنه 000

ابهظم 000


جاروا علينه


اومن وصيلنه لدارهم كالوا :

- اشجابك ؟000

لاتجينه 00!

عفيه صحبه هالوكت 000

بيها التجافي 000

اشوكح !00

عينه


\


وهذه قصيدة للشاعر من ديوان الكمر والديرة
بعنوان ردي ردي
كتبها الشاعر بتاريخ 16/8/1967


ردّي .. ردّي
ياضعن شت عن هلة ، اوحدّاي
غربة .. البيه يحدي
ردّي .. ينباع العشك .. والياكَلب
تهوين صدّي
لا تهيجين الجروح .. اجروحي من تنلجم
... تدّي
وانة من دم اولحم .. مو من صخر
جبدة العندي
ردّي .. مليت الصبر .. وامكَاطر
الدمعة .. اعلّة خدي
وانة .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
وهذا حدّي
بلجي من يغفة الجفن .. ما جلمة
التنكَال ، بعدي
انة موش اول زند .. يشتل
شلب .. ويحصد بردي
اولانة بس اتغربت والمعتنيلة ..
ايصير ضدي
ردي .. ردي
مالي حيل امعاتبج .. وانه العليج
اديت جهدي
غلّست .. عن الكَلت والكَال ..
كَمت اسمع .. واعدي ..
او صابرت صبر الطفل .. شربي الطفل
والحزن مهدي
واحملت ليل العطش .. وانه العيون
السود .. وردي
اوساهرت .. طول البعد لمّن
عشكَت اليال .. سهدي
والله جا مل او جزع .. لو قصتي ..
اعلة ايوب تسدي
ردي ..وانة .. موطبعي العتب
علما حلاله .. ايصون عهدي
يا رخص ذاك الجدم . كون اعله ياهو
الجان .. يبدي
او يامناحه ذلتي .. اوليل الكَضيتة
ادموع وحدي
وانه .. من دم .. اولحم .. مومن
صخر جبدة العندي
انه خلاني الوكت
ناعور
بس .. اترس وابدي

\\



راائعه اخرى من رووائعه



(عشكتك حلم)
للشاعر
عريان السيد خلف
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك قلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما تنذل ,

\
هذه القصيده الوطنيه


انزف صبر يا وطن بيه الك مية جرح=
كلما يهيد الالم بجروحي اذر الملح=
افديك يا موطني لو مية مرة انذبح=
واشرب نخب هيبتك من المسة للصبح=
مثلك محب ما الي مثلك جرح
ما يصح =
يا رمح بضمايري لا خطة ولا صابني =
قلبي على وطني=
قلبي على موطني وي رشفة الفنجان=
وبكل تحية صبح من حايط الجيران=
لوما انت يا منيتي ما كان كل ما كان=
من غير ارض واهل ما قيمة الانسان=
بس يا خسارة الاهل=

من حط رحالة الجمل=
وياك علو الجبل=
ولارخص علج اجنبي تتخضع وتنحني=
قلبي على وطني=
قلبي على وطني وي كل سحابة تفوت=
وعن كل بطل ما بخل فوك التراب يموت=
وعن كل دمع من يهل عالخد يكع بسكوت=
وعن كل كمر لو ضهر وبحزن روحي انتحر=
الطير فوك الشجر=
ينشد باعذب صوت=