الموضوع
:
دموع الغربة
عرض مشاركة واحدة
احصائيات
الردود
1
المشاهدات
6208
ماري الكرخي
من آل منابر ثقافية
المشاركات
84
+
التقييم
0.02
تاريخ التسجيل
Jul 2014
الاقامة
Iraq
رقم العضوية
13063
08-02-2014, 10:16 PM
المشاركة
1
08-02-2014, 10:16 PM
المشاركة
1
Tweet
دموع الغربة
نافذة تطل على احدى زوايا واقعي
دموع الغربة
بسك يازمن مو كافي بسك عاد
حتى من الصبر هم احنه ملينا
طشرنا الوكت لمونا لمة احباب
من سنين احنة ..ما التمينا
طشرنا الوكت صرنا بحضن اغراب
مثل احضان امنا ابد ملكينا
فركنا الوكت بس احنة موجودين
و شلنا بالوجود بغير والينا
مو كافي صفينا بلا جسد لاروح
وحتى للبجي هم حيل ما بينا
ابويه لجنت احضنا من يجي من الباب
هسة اشتاك شمه لعطر رجلينه
واخوية لعاف بيته وراح للاجناب
مو كافي غربة لشوفته اشتاكينا
واخوية الاصغر قهرته الاوضاع
ما يكدر يشوف اللي يمر بينه
والاوسط حقوقي وخايف من الناس
لان ماضل بالبلد لاحق ولا دينه
والاكبر حنين وتاج فوك الراس
رغم البعد عنا يبقى حامينا
بقينا احنه البنات المن ندير العين
لااب ..لااخو.. لاام تدارينا
صح موجودة امي بحسها اجر انفاس
لكن وين البيت الجان يؤينا
جنت بأحضان امي ترد اليه الروح
هسة احضان الدنيا كلها وما تدفينا
ابويه الجان بيته مضيف كل الناس
هسة انهجم بيته بلوعته علينا
بلادي الجان افراح ومسرات
هسة دموع الدنيا غركت عينه
mari
[marq="2;right;1;scroll"]لذة الحب في جراحاته.. فلولاها لما اعتلى الحب منصة الاحاسيس[/marq]
رد مع الإقتباس