الموضوع: هل تولد الحياة من رحم الموت؟؟؟ دراسة بحثية
عرض مشاركة واحدة
قديم 08-22-2010, 02:46 PM
المشاركة 218
الصورة الرمزية ايوب صابر
ايوب صابر
مراقب عام سابقا

اوسمتي

  • غير موجود
افتراضي
ايڤان سيرجييفيتس تورجينيڤ

ايڤان سيرجييفيتس تورجينيڤ (بالروسى: Ива́н Серге́евич Турге́нев;‏ نطق:[ɪˈvan sʲɪrˈɡʲeɪvʲɪtɕ turˈɡʲenʲɪf])‏ (اتولد: 28 اكتوبر/9 نوفمبر1818, اوريول, روسيا - مات: 22 اغسطس/3 سبتمبر1883، بوجيفال، جمب باريس) كان اديب و روائى و مسرحى روسى كبير, اشهر اعماله روايه اسمها ابهات و اولاد (اباء و ابناء) اتنشرت سنة 1862.

تورجينيف بيعتبر مايسترو الواقعيه الروسيه فى القرن التسعتاشر و كان ليه تأثير كبير على صاحبه الاديب الفرنساوى جوستاف فلوبير و على تلميذه جاى دى موباسان. اهتم تورجينيف بالتصوير الدقيق لنفسية الابطال بتوع رواياته و التحليل الناجح لحياتهم العاطفيه و مشاعرهم. تورجينيف عاصر ادباء روس كبار زى ليف تولستوى و فيودور دوستوييفسكى.
تورجينيف هو اول واحد استخدم مصطلح العدميه - أو النيهيليه Nihilism فى روايته "أباء و أبناء".
حياته
اتولد ايفان فى مدينة اوريول فى فى غرب روسيا, امه فارفارا بيتروفنا لوتوفينوفا و ابوه سيرجى نيكولاييفيتش تورجينيف كان كولونيل فى سلاح الخياله الامبراطوريه فى الجيش الروسى.ابوه مات و هو عند 16 سنه و ربته امه ويا اخوه نيكولاى تربيه صعبه و كانت طفولته تعيسه بسبب العلقات اللى ياما كلها من امه. دخل ايفان جامعة موسكو و درس الادب الروسى و السايكولوجيا و بعدها كمل دراسته فى جامعة سانت بطرسبورج (1834-1837). سافر بعد كدا على المانيا و درس تاريخ علم النفس فى جامعة بيرلين و اتتلمذ هناك على ايد الفيلسوف الالمانى الكبير هيجيل.