عرض مشاركة واحدة
قديم 10-07-2018, 08:16 PM   #3391

حنان عرفه

الحـلــــــم

 
الصورة الرمزية حنان عرفه

 
تاريخ التسجيل: Feb 2010
المشاركات: 2,661
معدل تقييم المستوى: 12
حنان عرفه is on a distinguished road

اوسمتي

افتراضي

علمتنى الدنيا

الدنيا علمتنى ان الكداب شكاك و دايماً بيشوف كل الناس كدابين زيه....
والخاين بيشوف كل الناس خاينين زيه...
وإن الطيب مابيتعلمش من غلطه،، لإنه مهما قابل ناس وحشة مش بيستوعب وحاشتهم ، وبيفضل يتوسم الخير فيهم...

علمتنى ان الغلطان هو اول من يشتكي.....

علمتنى ان الظالم اكثر ثرثره من المظلوم....

علمتنى ان من القلب للقلب رسول ونفس اللى جواك ليا هو اللى جوايا ليك....

علمتنى اصبر على البلاء ومازعلش من الخساره لان ربنا بيعوض باكتر من اللى خسرته بس باللي هو شايفه أولي...

علمتنى ان لما حد يغتابنى او يغلط فى حقى أو يتبلى عليا مزعلش منهم لكن أزعل عليهم وان دول ربنا سخرهم لى عشان أخد حسنات وأكتشف بيهم حقيقة ناس تانية ...

علمتنى ان السكوت افضل رد على السفهاء....

علمتنى انى مادام ماشي فى الطريق الصح مايهمنيش حد واللى يقول يقول، ربنا بيبين الحقائق فى الوقت الصح،،،

علمتنى ما اندمش على اى قرار اخدته حتى لو غلط واستحمل نتيجته و اتعلَّم منه...

علمتنى ابقي بوش واحد وكلام واحد ورأى واحد،،،

علمتنى ابقى قد كلامى و قد وعدى...

علمتنى إن اللى تعمل معاه خير ويقلل منك قدام الناس حقير،، بيجيله اللى يقلل منه ويمشى وراه مذلول،،

علمتنى اسمع بعينى وادور على الحقيقه بنفسي و واتأكد وماحكمش علي حد من اللى بسمعه ....

علمتنى اسمع من الطرفين،، لإن فيه ناس أخبث من إنهم يبينوا حقيقتهم،، وفيه ناس وضوحهم بيظلمهم،،

علمتنى إن أصحاب الضمير والقلب الحى نعمة واللى قلبه حجر مايساويش ولو يملك مال قارون وجمال سيدنا يوسف،،

علمتنى ان المكسب الوحيد ليا انى ابقي انا زى ما انا عايز اكون مش زى ما اي حد عاوزني أكون ....

علمتنى إن أحقر الناس هو اللى يستغل حبك له لفترة ويستغنى عنك فى لحظة عشان مصلحة جديدة ...

علمتنى إن عيلتى هى أهم إنجاز فى حياتى...

واتعلمت إن اللى بيعمل حاجة فعلاً بتتردله بنفس الطريقة بالمللي...

و اخيراً علمتني ان جبر الخواطر سحر و السعاده اللي الواحد بيحس بيها بعده لا تقارن،، وإن الحب والوفاء اللى بتقدمه بيرجعلك أضعاف مضاعفة

#علمتني_الدنيا
منقول


من مواضيعي
0 إنا لله وإنا إليه راجعون .. ماتت أمي
0 قصاصات من العشق والهوى ... ( 2 )
0 البقاء لله
0 عاجل .. إلي أمتي .. د.شعبان عبد الجيد
0 مشاعر مقيدة

التوقيع :
حنان عرفه موجود حالياً   رد مع اقتباس