الموضوع: رسالة لم تصل إليه \ إليها
عرض مشاركة واحدة
قديم 02-24-2018, 06:56 PM
المشاركة 3171
الصورة الرمزية حنان عرفه
حنان عرفه
الحـلــــــم

اوسمتي

  • موجود
افتراضي
البوست للناس اللي بتعافر واللي بتكافح
بوست طويل شويه بس يستحق القراءه
- سنة ظ،ظ©ظ¥ظ* كان في دكتور علم نفس اسمه " Curt Richte " الدكتور دا عمل تجربه غريبه شويه .. جاب شوية فيران .. وحط كُل فار منهم في جردل مصنوع من الازاز وملي نُص الجرادل ميه وولع سيجارته ومسك ساعته ف ايده وفضل يحسب الوقت ويراقب الفيران وهي عماله تعوم في الجرادل .. كُل فار جوا جردل .. وليه ازاز بالزات ؟ قالك عشان الفار ميعرفش يتسلق ويخرج .. في فار قعد ظ¥ دقايق واستسلم للغرق التاني ظ¤ دقايق .. اكتر فار فضل يقاوم الغرق ظ،ظ¥ دقيقه وبعدين استسلم .. الدكتور " curt " قرر يكرر نفس الحوار دا تاني بس بشوية تغيرات بسيطه .. حط الفيران جوا الجرادل الازاز تاني بس كان بيراقبهم والفار اللي يحس انه خلاص هيغرق كان يطلعه وينقذه وينشفه ويسيبه يرتاح .. كل الفيران عمل معاهم كدا اللي يحس انه هِمد وهيغرق يطلعه وينقذه قبل لما يغرق بشويه .. وبعد لما طلعم ونشفهم وارتاحوا .. قام شايلهم وراميهم في الميه تاني ! طبعًا احنا قولنا ان اكتر فار قاوم الغرق قعد ظ،ظ¥ دقيقه واستسلم ! .. تخيلوا الفيران لما اترموا تاني قعدوا قد ايه ؟ اقل فار فيهم قعد يقاوم ظ¦ظ* ساعه ! تخيلوا ظ¦ظ* ساعه مش دقيقه ! وفي فار منهم قعد يقاوم الغرق ظ¨ظ، ساعه !! يعني قعد حوالي ظ¤ ايام يقاوم الغرق من غير استسلام .. اشمعنا يعني طولوا المرادي في المقاومه اضعاف اضعاف المره الاولانيه ؟ قالك لانه ف المره الاولي كانوا فقدوا الامل واستسلموا .. لكن ف المره التانيه لما طلعهم وانقذهم قبل الغرق ونشفهم ورماهم تاني كان عندهم امل ان في طوق نجاه هينقذهم .. بعد دقيقه بعد اتنين انشاله بعد ظ¨ظ، ساعه !!

عاوز اقول ان الامل هو الخيط اللي ممكن يتعلق بيه اي انسان .. القشايه اللي بيتعلق بيها الغريق .. اوعي تعشم حد وتديله الامل وتخلي بيه .. ممكن يقاوم الدُنيا ويتحدي العالم علشان عنده امل وثقه فيك .. مُتفائل انك يستحيل تخذله او تخلي بيه .. الفيران قعدت تقاوم علشان عندها يقين ان في حد هينقذهم .. الانسان ممكن يتغير ظ،ظ¨ظ* درجه لو انسان علقه بحلم " سواء جوازه .. شُغلانه .. يساعده يحقق حاجه معينه " والله ممكن ينام ويقوم يحلم باليوم دا ! .. متقولش لابنك لما تنجح هجيبلك كذا وابنك ياكل الكتب وترجع تخلف وعدك ! في ناس ممكن تعلق احلامها وطموحتاها علي كلمه ووعد منك ! وكمان حاجه تانيه : ممكن الانسان قدرارته تتغير وتبقي تهد جبال لو نفسيته حلوه .. انا امي ممكن تشيل البيت وتقلبه فوقه لتحته تنضيف لو ابويا باس دماغها وقالها الله يقويكي ! بيديها زقه ودفعه تقويها .. وبيشحن بطارية السعاده جواها ! .. العيل الصغير بيصحي بصعوبه للمدرسه وبطلوع الروح .. بس يوم العيد بيصحي الفجر وممكن يطبق ! من فرحته .. ودا اكبر دليل لحديث النبي " الكلمه الطيبه صدقه " ! مهو مش صدقه من فراغ .. صدقه عشان بتقوي والابتسامه صدقه عشان بتدفع لقدام .. تخيل دكتور الكليه طبطب علي كتف الطالب وقاله انا متاكد انك قدها .. تخيل واحد قال لمراته انا مقدرش استغني عنك وجبلها وردايه .. دي ممكن تولع ف البيت من فرحتها .. اوعي تدي الامل لحد وتقطعه .. جايز تكون انت الحبل الوحيد اللي غيرك شادد فيه .. واوعي تكون بايدك تفرح حد وتحزنه وتكسر بخاطره كدا انت بتهده وانت مش داري .. اوفي بوعدك وفرح اللي منك .. لان ربنا هيحاسبك علي كدا يوم القيامه .. الحُزن بيهد زي ماقال بن القيم : الحُزن يُضعفُ القَلب ، و يُوهنُ العزم ، و يضر الإرَادَة ، و لا شَيء أحبُ إلى الشّيطان من حُزن المُؤمن.. !
كلام اعجبني