كان حلم ولا علم ؟؟
لما شفتك مرة صدفه
على الشط واقف
في الميه أنعاكسة صورتك
لؤلؤة في محاره
بصيت في عينيك
غرقت
تهت
وفي أجمل حلم سرحت
لقيتني على الشط جنبك
ياسمينه بفستان أبيض
إيدي شابكه في إيدك
على الدُف والطبله
أجمل أغاني ،
من الحبايب لينا
بهمسه حلوه من شفايفك
أحمرت خدود الياسمينه
لما قلت يلا نهرب
من عيون إللي حوالينا
نطير بسرعه على بيتنا
عِشنا الحلو مستنينا
فتحت عيني بسرعه
أشوف دا حلم ..
ولا حقيقة
لقيتوا أجمل حلم
مستحيل يبقى حقيقه
أصلي حبيت القمر
والأرض عنه بعيدة
بسرعة قبل ما أنسى ،
قُلت أكتبوا
أجمل حلم شفتوا الليلة
لسه أنا فيه بحلم
وبسأل نفسي
كان حلم ولا علم ؟؟