الموضوع
:
ياعز الدمع
عرض مشاركة واحدة
احصائيات
الردود
0
المشاهدات
2971
نضال السلمي
المركز الأول في مهرجان برلين
المشاركات
20
+
التقييم
0.00
تاريخ التسجيل
Nov 2010
الاقامة
رقم العضوية
9496
12-04-2010, 02:41 AM
المشاركة
1
12-04-2010, 02:41 AM
المشاركة
1
Tweet
ياعز الدمع
ياعز الدمع لو شح بالعيون
وى ساعه اللوعه وحبس الاحساس
مره دموع تنزل لليضحكون
ومره دموع مامش تلكه بالناس
مثل طبع الرياح تدور بالكون
ولمن تختنك ماتلكه الانفاس
تظل وياى ليله وانى مجنون
عليمن هل البواجى ودوخه الراس
سهم لو صاحبك بالشده ويخون
وعسل لو وافه طيبك طيب الساس
كلى ابيابخت والعاشك اشلون
مسجون اصبحت والناس حراس
تاخذنى الظنون وارجع ظنون
واصير وياك كلشى يكون لاباس
شربتك ليل كاس ويه اليسكرون
اشما اشربك ترد ذاك انت بالكاس
فن فنيتلك والعالم فنون
ويافن اليرسمك وانت كراس
يابوسه غريب بقفص مسجون
انت البوسه انت اشلون تنباس
ياجثه عشك بالروح مدفون
اذا جاسك وهم جن كلبى انداس
واذا يطلع صبح تطلعلى عيون
واشوفنك شمس وتضوى عل الناس
يا انت وعليك اشما يكولون
اشما قيسك ابد مايوم تنقاس
خل شمات وكتى اعليك يحجون
وسجاجين الشماته بظهرى مرداس
انى وياك نوع من اليحبون
بس لللله ورسوله اندنك الراس
رد مع الإقتباس