الموضوع: كشكول منابر
عرض مشاركة واحدة
قديم 06-17-2020, 01:46 AM
المشاركة 2379
الصورة الرمزية ناريمان الشريف
ناريمان الشريف
مستشارة إعلامية

اوسمتي
التميز الألفية الثانية الألفية الرابعة الألفية الثالثة الألفية الأولى الوسام الذهبي 
مجموع الاوسمة: 6

  • غير موجود
افتراضي رد: مليون رد - كشكول منابر
مين حضر جيل 80 و جيل 90 ؟؟؟؟؟

-إحنا الي كنا بنستأذن علشان نبري القلم برة الفصل .

- كنا بنعمل غديوة ساندويتشات مع بعضينا في الفسحة

- وكنا في عز الخناقة نقول : اوعي ترمي الشنطة دي فيها كتاب دين

- إحنا إللي كنا بنطلع لسانا علشان نعرف مين صايم ومين فاطر في رمضان

- إحنا إللي ياما بوظنا شرايط كاسيت علشان دوسنا علي الزرار الاحمر

- احنا اللي شوفنا التليفزيون وهو بيقفل الساعة 12 بالليل

- إحنا إللي ماكناش نعرف إن فيه حاجة اسمها سياسة، غير يوم الجمعة في أنباء وأراء

- إحنا اللي كنا بنشرب بعض فى غطا المطرة فى المدرسة...

- إحنا اللي كان أقصي أحلامنا عجلة المصيف .. والطيارة الورق الملونة

- مكانش فيه غير قناتين أولى وتانية .. وأهلي وزمالك .. وبوجي وطمطم .. وونيس ومايسة ..وباباي .. وتوم وجيري ..

- إحنا إللي كنا بناخد شيكل يوم العيد .وبنضل نصرف فيه مابخلصش

- إحنا الجيل إللي اتفرج علي "الطريق الي ايلات"
- إحنا الجيل إللي كان بيخاف لو حد قاله عيب .. وبيقول آسف لو غلط

- إحنا الجيل اللي شاف شارع بحاله بيعمل كعك العيد مع بعضه .. وعيلة كاملة قاعدة تاكل مع بعضها

- احنا بتوع الفانوس ابو شمعة وكابتن ماجد صاحب أطول جون في التاريخ (3 حلقات)

- إحنا جيل التليفون أبو سلك

- إحنا الجيل إللي كانت لمته تفرح , وضحكته طالعة من القلب
- إحنا الجيل اللي كان بيطلع يحرك إريال التلفزيون عشان إرسال القناة الأولى والتانية يكون كويس
إحنا الجيل إللى مش هيتعوض ...