الموضوع: أزواج وزوجـات (هو وهي )
عرض مشاركة واحدة
قديم 04-14-2016, 06:13 PM
المشاركة 110
الصورة الرمزية ناريمان الشريف
ناريمان الشريف
مستشارة إعلامية

اوسمتي
التميز الألفية الثانية الألفية الرابعة الألفية الثالثة الألفية الأولى الوسام الذهبي 
مجموع الاوسمة: 6

  • غير موجود
افتراضي
جارتنا الحجه حليمة
فهمانة كثير وحكيمة
سمعت نسوان الحارة
في جلسة غيبة ونميمة
كل وحدة بتحسد جارتها
شو مبسوطة في جيزتها
بتفكر حالها الوحيده
اللي تعبانه في عيشتها
ضحكت الحجة وقالت :
انتن مثل بناتي
وأنا عندي خبرة في حياتي
كل وحدة تحكي حكايتها
وتشرح شو مشكلتها
قالن الجارات :
أنا زوجي مدمن أخبار
ومتابعها ليل نهار
وإذا حب يغير أجواء
بيحضر عالم البحار

أنا زوجي مدمن دخان
تمباك وأرجيله كمان
واللي بيصرفه ع التدخين
بيشبعنا جاج وخرفان

أنا زوجي
كريم وإيده سخية
وبيعاملني في حنيه
بس مشكلتي مع أهله
أبوه نكدي وأمه قوية

أنا زوجي
وضعه المادي فوق الريح
سيارة وفيلا ولبس منيح
بس مشكلتي في لسانه
حكيو مسبات وتجريح

أنا زوجي معقد كثير
متعصب ورافض التطوير
كل شي عنده عيب وحرام
وفي حياتي ما في تغيير

أنا زوجي
قبضة ايدو حديدية
عنده التعريفة مثل الميه
عمره ما عزم أصحابه
ولا عمره جبلي هدية

أنا زوجي
قلبه طيب وعقله كبير
فهمان ومحترم كثير
أخلاقه ما في منها
بس المشكله أنه فقير

أنا زوجي حلو وشخصيه
بدل البنت مصاحب ميه
في شكله مغرور كثير
شايف حاله عليه

انا اااا
زوجي بحبني وبحبه
وما في اطيب من قلبه
بس المشكله ما بصلي
وعمره ما استغفر ربه

أنا زوجي
في الحارة شيخ الشباب
بمزح وبضحك مع لصحاب
وأول ما يدخل عالبيت
فجأة بصيبه الإكتئاب
وعقدة جبينه كا إنه
ميماتي في وادي الذئاب

بعد ما خلصو لحكايات
ارتاحن قلوب الجارات
ضحكت الحجة وقالت :
اللي بتسمع قصة جارتها
بيحلى في عينها زلمتها

ما في انسان كامل ولازم كل واحد يرضى بنصيبه