ضي المليحة ان هبّ
بيشعّ في ميت روح
والقاني عقل وقلب
جوّا الحنين مطروح
أبوح لمين بهواه؟
وحظّي لاوي البوز
ليه كل حاجة باعوز
تملّي منّي تروح؟
-
واحشاني والله كتير
يا امّ الجمال ما حصلش
حبّك في قلبي كبير
زيّه في كلام ما اتقالش
نفسي أقول يا وصال
خايف تصدّيني
للنار تزقّيني
ويقولوا يوم مات قَلْش
-
معقولة يوم تتْنسي
حتى ان فراقنا طال؟
عايش معاي كل شي
من يوم ما كنّا اطفال
تنسيني إنتي يجوز
لكن أنا ما اقدرش
دا سوء عَلي ما خطرش
أو لحظة عني اتقال
0-