الموضوع
:
رخيص الدم .. !
عرض مشاركة واحدة
احصائيات
الردود
10
المشاهدات
8170
احمد ماضي
من آل منابر ثقافية
المشاركات
528
+
التقييم
0.09
تاريخ التسجيل
Oct 2008
الاقامة
رقم العضوية
5701
08-07-2010, 10:13 AM
المشاركة
1
08-07-2010, 10:13 AM
المشاركة
1
Tweet
رخيص الدم .. !
قصيدة رخيص الدم
أحـبـك يـاوطـن لـو امـوت مـا أنـدم .. يا ثـالـث كـريـة الـحـلف بـيـها الدم
بكَـد ما تـنـفجر يـنـفجر بيه الصوت .. لو ين تـظل شمع بالنار تـتوسـم
يا باني الصروح بغـرة التـاريخ .. بسنون الخراب اصبحت تـتهـدم .. !
شايل على جتافـك لون من كـل لون .. ومن كـل المعـالم تـقـتـطف معـلم
كل سر حِـسن يوسف من حلات البـيـك .. يل تـمطر زلم لو هـزتـك مريم
يمحزم الدنيا ابابل وآشـور .. عله ابـيادر هلك بالـموت تـتحزم ..؟
ادريـبـك امعـَلم تـشتم البارود .. جا يمته تـفـطمه وللورد تـشتم
فراتـك نشف ريجه من البواجي عليك .. ورمـدة عـيون دجلة ومايها اتسمم
تـشكي العـطش كَـاعـك جنة النهرين .. وانته الي تروي من العطش زمزم
يا أول بكـل شي اتصير تالي اشلون ..؟ عليك بـيازمان الذيل يـتـقـدم ..؟!
تـشوه وجه شمسك من ظلام اعـداك .. خلعـت باب بيتـك جـف الملثـم
شكَـ جيبه اليهتـكـك يا عـراق وثور .. واكـشف عـورته ولا تظل تـتلعـثم
أرامل كـل بناتـك والأطفال أيـتام .. اخاف ايمر زمان وانته تـتيـتم
اكض شباج بختـك واصرخ من الخوف .. ياكَـاع العـراق اشكَـد رخيـص الدم ..؟
بناتـك يابو الغـيرة امكشفات الروس .. ولحمهن بالجفـوف الفاسدات انـلم
بسم الدين اجتني ولابسه التـيـجان .. فرشتها رصاص وكَـصتك مرسم
بغـدادك عروس ابحضن عزراين .. كَـلايدها جماجم جابها ابن العـم
يا بغـداد اصيحن والمنايا اتصيح .. ألا من نخلة تقـشع غـيوم الغـم
عله خدودج مدامع للنثـايا اتـفـور .. وعله شفافـج صور أطفال تـتكـلم
هتكـوا ستر خدرج بسم دين الله .. بري منهم الدين ومصدره الأعـظم
لو ين أنظل شعـب محكوم بالإعـدام .. متخوم السياسي والشعـب مُعـدم
عـضو الكـل ميت الف بالبرلمان ايكون .. جم ميت الف ماتوا كـون تـتـقسم ..؟
ونشوف اجم عـضو لازم يلحكَـه الموت .. اذا احسب الماتوا يا عضو اليسلم ..؟
اسبوعك يا وطن ما ظن سبع تيام .. كله أربعاء وموتك امحتم
حرامي البـيـت حارس ما يظل كل بيت .. تـفرهد كل حلاله وحايـطه اتهـدم
بقلمي
احمد ماضي القلعاوي
محبتي للجميع
رد مع الإقتباس