الموضوع
:
[[ حزورة و ....... فزورة ]]
عرض مشاركة واحدة
03-04-2021, 08:06 PM
المشاركة
218
ياسَمِين الْحُمود
(الواعية الصغيرة)
عضو مجلس الإدارة سابقا
اوسمتي
مجموع الاوسمة
: 9
تاريخ الإنضمام :
Oct 2006
رقم العضوية :
2028
المشاركات:
35,006
رد: [[ حزورة و ....... فزورة ]]
اقتباس المشاركة الأصلية كتبت بواسطة فاضل الباتل
غريبة والله يا ياسمين أنا شخصيا ودي أعرف القصة حتى نتعظ ويا حبذا تكون بلهجتنا
حدث ولا حرج ما يدور في أروقة داخليات الدول
إي والله وراها قصة عورت قلبي 😞
القصة ومافيها
المشهد الأول 2019
كان عندي موعد للأسنان والعيادة قريبة من بيتي قلت مافي داعي أروح مع السايق أتمشى بسيارتي
وصلت ومالقيت موقف ،فركنت سيارتي بجانب الرصيف ونزلت العيادة، يوم رجعت مالقيت لوحات سيارتي كانت مسحوبة لأني مخالفة ومو واقفة عدل ، أثناء عودتي للبيت لحقتني دورية بالميكرفون اسفطي ( اركني) لو سمحتِ يمين ، سفطنا ،لو سمحتِ الليسن ( إجازة القيادة) ودفتر السيارة، قلت حاضر وعطيته ( لازم أكون مهذبة كافي إني مخالفة) أخذ الثبوتيات وشاف الاسم قال لي سامحتج بس آخر مرة تسوقين بدون لوحات، قلت : واللي ماتبيك تسامحها اشلون؟ تقولي بخالفج وبعدين تغير رايك ! لازم يكون عندك مبدأ يا تسامح أو تخالف ، بعدين اللوحات توها مسحوبة مو من أمس وماخذه راحتي بالسياقة ، المهم سألني بالضبط عن مكان المخالفة عشان هو يجيب لي لوحاتي للبيت وفعلا جابهم وركبهم ، وكان الله غفوراً رحيما 😁
المشهد الثاني
كنت رايحة مجمع تجاري وبسيارتي، ركنتها ساعة ورجعت مالقيتها مع إني متأكدة إني واقفة نفس المكان اللي ركنت سيارتي فيه، وجدامي ( أمامي) نفس سيارتي ونفس اللون ولكن مو هي لأني حافظة رقم سيارتي متسلسل نوعا ما ، فقلت خل أدور عليها بالضغط على المفتاح طلعت السيارة لي ، هني اكتشفت إن اللوحات مو لي ، رجعت البيت وسولفت للوالد ولأبو العيال أشاروا علي عادي مع انتهاء بيمة السيارة بعد ثلاثة شهور نغير اللوحات ونطابقها مع دفتر السيارة.
المشهد الثالث
بعد ثلاثة شهور حان وقت بيمة السيارة جددنا الدفتر وعطونا ورقة نراجع فيها قسم المرور لتغيير اللوحات
سبحان الله نفس الليلة عملت حادث ( لاحظ إلى الآن لم أجدد اللوحات) طبعا الضابط لازم ياخذ رقم سيارتي عطيته دفتر السيارة رقم اللوحة الصحيح مدون فيه وعشان ما أنكشف قال لي لا مافي داعي أخذت الرقم من لوحة السيارة ( هني عاد المشكلة لأني ما أحب الواسطة إطلاقاً كان بالإمكان التلاعب ) الرقم في دفتر السيارة يختلف عن رقم لوحة السيارة
لأن الضابط يوم جاب لي اللوحات للبيت بالخطأ ،كانت لواحد هندي ، والهندي فطين يوم راح يراجع المرور عشان ياخذ لوحاته عطوه لوحاتي قال لهم هاللوحات مو لي ، وطبعا مسؤولية عليهم فاضطروا يطبعون له لوحات تطابق أرقام دفتر سيارته، فصرنا أنا وهو نسوق سيايير بنفس الرقم أنا أخالف وهو
يدفع لو مايدفع يسحبون السيارة ، مع إني كنت مستغربة اشلون سنة كاملة وماتنزل علي مخالفات، أعرف نفسي أسوق سرعة وأركن أي مكان إلا أماكن المعاقين أتجنبها وتجاوز الإشارة الحمراء .غير جذي سبهللة ، طبعا إختك ياسمين عدوها الظلم ، طلبت اسم الهندي وأخذت رقمه وجبته البيت طلع المسكين عليه ديون بسببي
يقول شهرياً كنت أدفع من 150 دينار إلى 200 دينار وراتبي ما يتعدى ال300 ، يا الله تمنيت لو تنشق الأرض وتبلعني سددت كل ديونه ، وعوضته أضعاف المبلغ اللي دفعه عني وقلت له الحين الدور عليك تخالف وأنا أدفع
قالي اشلون ، قلت له استخدم سيارة من سيارات الشركة كل شيء علينا من الألف إلى الياء حتى دفتر البنزين ( الوقود) صرفت له وبريت ذمتي منه ، قال لي الوالد نفتح له سيارة جديدة ، قلت لا ما أبيه يتحمل أي شي يخص السيارة طول ما هو عايش في الكويت ، عاد الوالد الله يطول بعمره ، اللي يخدمني بشي ما يرتاح إلا يكافأه شغّلة بالشركة بضعف راتبه و هيّأ له سكن وسيارة ، وواعده لما يرجع ديرته يمشي له راتب يعيشه عيشة كريمة.
رد مع الإقتباس