الموضوع: رسالة لم تصل إليه \ إليها
عرض مشاركة واحدة
قديم 11-03-2017, 11:55 PM
المشاركة 3131
الصورة الرمزية حنان عرفه
حنان عرفه
الحـلــــــم

اوسمتي

  • غير موجود
افتراضي
في اللحظة اللي كنت مستني فيها حاجة تشدك لبر لقيت اللي تضغطك و تنزلك لتحت ..
في اللحظة اللي كنت خايف تطلع بتعافر لوحدك لقيت انك فعلا لوحدك
في كل لحظة بتستنى فيها تقدير مبتلاقيش
في اللحظة ال كنت عاوز فيها حد يطيب خاطرك لقيت حاجة تخيب املك
في كل لحظة حسيت ان ممكن يكونلك سند فقدته سواء بالموت او بأي سبب
في اللحظة اللي كنت فاكر ان النهاية مش هتيجي دلوقتي كانت تقريبا كل حاجه اتحسمت من زمان و انتا مأخدتش بالك
في كل لحظة عشت فيها صراع بين كرامتك و عاطفتك
و اختارت عاطفتك و خسرت جزء من كرامتك
كل لحظة ندم بتيجيلك عشان سكت وقت ما كان مفروض تنفجر بالكلام
في كل لحظة كنت بتدي فيها بزياده و مبتلاقيش حتى اللى تستاهله !

فى كل لحظه من اللحظات دى انت كنت بتخسر جزء منك
و بتضطر انك تعافر وتكمل ..
بتكمل ناقص بس بتكمل ..