الموضوع
:
مامرتاح
عرض مشاركة واحدة
احصائيات
الردود
5
المشاهدات
4994
عبدالأمير البكاء
من آل منابر ثقافية
المشاركات
342
+
التقييم
0.07
تاريخ التسجيل
Mar 2010
الاقامة
العراق / النجف الأشرف
رقم العضوية
8844
08-19-2010, 10:36 PM
المشاركة
1
08-19-2010, 10:36 PM
المشاركة
1
Tweet
مامرتاح
بين يدي أحبتي قيصدة من روائع الشعر الشعبي العراقي للشاعر الشعبي الكبير كاظم اسماعيل الكاطع أرجو أن تنال إعجابكم
مامرتاح
اعيوني تستحي بس الدموع اوكاحْ
مامرتاحْ..
منك ، مني
من العَدل ، من الجّايْ
من الرّاحْ
عَرْكَه اوْي الزمن
وارْجعنَه مكسورينْ
وبْعيدَه المسافه
وينـّسِي اللي طاحْ
ما مِرتاحْ..
لأنْ شفتِ الشمسْ
نِزلتْ تبوسْ الكَاعْ
وبجّفِ الطفل تـِنلاحْ
ولأنْ قاضي البلابلْ
مَدّدِ التوقيفْ
ومَفتوحَه السِّمَه
والفيل عِنده جناحْ
مامِرتاحْ..
لأنْ قـُفلِ المَحبّه انباكْ
وتـْرَهّمْ عليه مِفتاحْ
متروكْ بجزيره وتيّهِتْ بالليلْ
واجَوْ رَبعي عليّه
بقافلة أشباحْ
وانته اشبيكْ ؟!
لمّنْ دافعتْ عن نفسي صابك غيظ
مو حتـّه الكنافذ مِنْ تِحِسْ بالخوف
تستخدمْ جلدهه اسلاحْ
ماجَنْ الفجر مثلِ الفرحْ مَحبوبْ
لُون الفجر صاير يُقبضِ الأرواحْ
رَجّعْتِ الستارَهْ بحُركَه عَلشبّاج
وارثيتْ الورد وبْجيتْ
مِنْ شِفتِ النـِّده فوك المدافع طاحْ
دايخ بالحلم يمكنْ حِلم مُوزينْ
ماتْ الوَرِد كلّه وما بـِجَه الفلاحْ
وبالليل المَناجل تـِنْغِسِل بالماي
ودَمْ يابس عليهه وبالغَسِل ماراحْ
فزّيتِ الصّبح شِفتِ الحِلِم مَذبوحْ
وبعيني نِسَه سِجينـْـتَه الذبّاحْ
مامِرتاحْ..
من وُكفوا عَله الصّوبين مامِرتاحْ
تِمْساح بنهرهُم صاحوامِنِ الخوفْ
وجازفـْتِ بحياتي مِنْ سِمْعتِ اصياحْ
صَارعتِ المِنيّه وبـِيدَه هَزْني الموتْ
ومْدَمّه اطلعتْ ، صَفـّكَوا للتمساحْ
قـَلْ شُوفْ السفينه والضباب ايزيدْ
واسيوفْ المَلامَه ابجْلوَةِ المَلاحْ
ياسِنْ الصخروتكسّرَتْ بالرّوجْ
مُو جـِنـْتِ بزمانكْ تِرهِبِ السفانْ
مِنْ جَوّه الثلج ، وجفوفِ ايديكْ ارْماحْ
مامِرتاحْ..
مِنْ رَبعِي ولا مِرتاحْ
نادُوني ورِكَضْتِ بليلْ
إيْدِ الرّسَنْ بيهه وإيْد بيهه اسلاحْ
عِثـْرَتْ مُهرتِي وهُمَّه كَبل ماطِيحْ
واحدْ كَال للثاني أبشرْكْ طاحْ
رد مع الإقتباس