صفكت أمي أيديها
لطمت الراح براح
ياحيف وطنا ينهضم
بات وماهو مرتاح
عراق أبوالغيرة
نخوة المظلوم لوصاح
***
سيف المجرب لوجار
الزمان وصاحبه طاح
ديوان ومضافه لليدك
باب الخاطر ويرتاح
عراق أبو الزينات
بديار العطر فواح
***
مرجلة وشهامه وعدل
أبو الحسنين بسيفوا لولاح
أحلف ماهم زلم تحتلك
أمريكي وأجيره السفاح
أقزام وتلايمت عليك
النذل وبيدوا سلاح
***
كثرت كصاصيبك ياوطن
مثل الجمل لوطاح
أحلف مايسكت للظيم
عراق سوادي وصلاح
لاعلى بختك ياعراق
أنصاف الزلم ألك تجتاح
أحلف هذا الحلم
وأسطوره تتكلب صفاح
***
شعر