آخر أنفاس الفجر ...دمعة يتيم ...


وآه من قلب عليل ...


رحلة في رحم السكون


آخر أنفاس الفجر ...


ذكرى وحنين وأقلام عيت تستكين


زحمة أفكار وصراع ..


ودنيا توفي الصاع صاع!ّ!


وأنا خطواتي شرود...


ونظرة زايغة تغشى الوجود


في كل وجه أدوره ...


وأشوف بسمات الحنون


واحلم به يلمني ...


ويمسح بيده الطاهر ويضمني...


ويهمس لقلبي الضامي له حبيبتي...


آخر أنفاس الفجر...


حزني طويل...


وليلي بعد فقده طويل ...


اشتقت لك ... يلي طالت غيبتك ...


اشتقت لك


يابوي ...


اعد ساعاتي ...أيامي ...


مدري قرب لقانا ولا باقي كثير؟


مدري لو اشوفك شنو اللي ممكن يصير ؟


ابكي ...اضحك ..ارقص ...
أخاف من الفرحة أموت!!!


سجادتك دوم تسألني عليك ...


ومصحفك أشتاق لضمة يديك...


وأمي كساها الحزن ...


و جمالها بعدك ذبل وأصبح شحوب!!


وأخواني كبروا وصاروا رجال ...


ياليت ياغالي تشوف ...


صغيرهم به ينشد الظهر ...
جعلي فداهم ..يالحبيب...


وولد أخوي ...
تذكر كيف يخاف عليك من نسمة هوا؟


ذاك الطفل كبر وصار يسألني عليك؟


وأجاوبه والغصه تقتلني...
وأقول صار بالسما!!


يبه كل شي بعدك ذبل ...
الورد اللي زرعته بالحديقة مات ...


وشجر الرمان ...
غشاه حزنه عليك ومات ...


والناس ماعادوا مثل ماعرفتهم ...


نفوسهم تغيرت ...
طباعهم تغيرت ...


كل شي تغير واختلف...
إلا حبي ماختلف...


آه يالغالي اش كثر اشتقت لك؟؟؟