لا تجيني ولا اجيك ..
لا تقارنــي بغيـــري هـذا بس اللــي ابيـــه
يكفي تلعب بالمشاعر يوم شايفني ابيــــك
شنهو اللــي مـــابعد سويت وادلك عليــــه
كــل ماسويت لجلك هان في لحظـــه عليــك
ليه تطعن حبنـــا بربـــع خنــاجر ليــه ليـــه
ليه تتنكر لقلب (ن) عمره مــاقد شك فيـــك
هــــذا غدرك ياحبيبي الحين انا حسيت فيـه
ودام وصلت للـكرامـــه لاتجيني ولا اجيـــك
وطــز في بعض المشـاعر ومـا آلت اليــــه
لاني ارفض ياحبيبي اكون خاتم في يديــك
شعر / حسن الحارثي