ورحل الشاعر الكبير / احمد فؤاد نجم
====================
لا اجد نعيا يليق به
الا مانعى به نفسه
حتى يتوقف المتألهون عن الحكم عليه
الى جنة الخلد شاعرنا ان شاء الله
وقد كنت مع رفيق نضالك الراحل الشيخ /
امام عيسى صوت الفقراء
والمغمورين
والضعفاء
( حسام الدين ريشو )
===================
هكذا نعى أحمد فؤاد نجم نفسه
==================

انا الرخيص اوي عندكم
وغالي عند اللي خالقني
.. فيوم ما افارق ارضكم
موضوع لايمكن يضايقني.
. انا اللي جيبتولي الامراض
.. انا اللي بيا منكم فاض
انا اللي قولت ياباشا كتير..
و اكتر كمان اتقاللي انا ياض
انا المهدد
انا المجند
انا اللي دايما بعيا وبرقد.

. انا المراكبي والصياد
انا المواطن يا رؤساء.
.. انا اللي متكحرت في بولاق
.. وانا اللي بتلملم اشلاء مركب
وقطر
وعبارة..
الموت لأمثالي إعارة.
والموت بقى ليكوا تجارة.
الموت في اشكالكوا خسارة
عيشوا حياتكم
. اخرها هنا.

. ماهتسلكوش مع ربنا.
عنده هيتجاب حقنا.
. ولسة اللي عايشين بعدنا.
شوكة في زوركم.
. في نحوركم.
. هيردوا كل اللي خانقني
عرفتوا ليه انا مطمن..
وحتي موتي ولا قالقني.
. انا بصحي في عروق الثوار..
بعد اما روحي تفارقني