الموضوع
:
رسالة لم تصل إليه \ إليها
عرض مشاركة واحدة
01-27-2012, 11:19 PM
المشاركة
1368
حنان عرفه
الحـلــــــم
اوسمتي
مجموع الاوسمة
: 1
تاريخ الإنضمام :
Feb 2010
رقم العضوية :
8634
المشاركات:
2,860
حدوتة مصرية
في كل مكان يابلد بنادي فين حق ولادي
طلباتنا طلبات إنسانية لاهي عجيبة ولا غبية
بنقول
عيش .. حرية .. عدالة إجتماعية
إيه الغلط في كلامنا ياللي بتقولوا بلطجية
انزلوا وشوفوا شباب بلدنا زهور مفتحة وندية
شايلين أرواحهم على كفوفهم
مايهمهم رصاص ولا عسكر ببندقية
بينادوا في كل ميدان فيك يامصر
حق الشهيد ويا النصر
بلاش مسرحية هزلية عنوانها محاكمة صورية
فين مبارك .. فين العادلي
مبارك نايم عالسرير والعادلي جنبه غفير
ياللي بتتفرج علينا ليه مانزلتش تقوى بينا
شباب أطفال وياشيوخ ... بنات ستات البيوت
كله بيهتف قوم قوم يامصري حقك مهضوم
جوه الجامع جوه كنيسة حكم العسكر ده مش لينا
أول هام يا برلمان لازم تحاكم الجبان
اللي باع الغاز والزيت وغلى علينا الاسعار
ليه الغاز في تل أبيب واحنا يامصر مش لاقيين؟
ليه غليتوا علينا عيشتنا علشان الناس تكره ثورتنا؟
مهما عملتوا ومهما كان المصري عمره ما يبقى جبان
وكل رصاصة هتقوينا مهما قتلوا عماد مع مينا
روحوا اسألوا عالقناص فين عيون الشباب
لو كان الامر ياناس بايدي .. كنت دوقتوا من نفس الكاس
ثورتنا مستمرة لتحقيق مطالبنا
عيش .. حرية .. عدالة إجتماعية
ودي ياناس حدوتنا
حدوتة ثورة مصرية
رد مع الإقتباس