الموضوع: الأمير الشاعر خالد الفيصل ~
عرض مشاركة واحدة
قديم 08-08-2010, 06:09 AM
المشاركة 7
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي رد: الأمير الشاعر خالد الفيصل ~
البست شعري

البست شعري غتره وبشت وعقال
وخليت تغريب المذاهب لغيري

في ساحتي للفكر مليون مدهال
وبحري بمكنوز المعَرفه غزيرِ


مافي عروقي غير الإسلام مثقال
أموت واحيا به قليل وْكثيرِ


اعتزّ بالاسلام والعمّ والخال
وعلى العروبه والاصاله أغير


آباءنا واجدادنا ذبّوا الجال
والّلي يبي درب المراجل يسيرِ


موروثنا مجدٍ وفخرٍ ومنهال
نبني عليه ونستحث المسيرِ


ماني بمفتونٍ بصرعات الاجيال
مع كل صياحٍ نهبّ ونطيرِ


لي رايٍ امشي به ولي عزم رجّال
ولي لابةٍ إذا بغيت استشيرِ


آل السعود الّلي لهم كل ماطال
ماينزلون إلا الطويل العسيرِ


آل السعود مطّوعة كل عيّال
مايضربون إلا بسيفٍ شطيرِ


آل السّعود الّلي لهم فيْ وظلال
وان شدّت الاّيام غيمٍ مطيرِ