الموضوع
:
سِوادين / للشاعر عبدالجليل الكعبي
عرض مشاركة واحدة
احصائيات
الردود
2
المشاهدات
3327
عبدالأمير البكاء
من آل منابر ثقافية
المشاركات
342
+
التقييم
0.07
تاريخ التسجيل
Mar 2010
الاقامة
العراق / النجف الأشرف
رقم العضوية
8844
10-29-2011, 07:35 PM
المشاركة
1
10-29-2011, 07:35 PM
المشاركة
1
Tweet
سِوادين / للشاعر عبدالجليل الكعبي
سِوادينْ
للشاعر عبدالجليل الكعبي
تعال العب عَلَيْ وآنه العب عليكْ
حَته اثْنينَّــــه نلعب عليـــــــــنـــهْ
نصُم چفوفنه او نكسر بالعظام
نِبيّت والمحابس مو بدينــــــــه
تواعدني بحلم وآنه اعتني بطيف
ونِغشم ارواحنه نگول التقينــــــه
سِلْ سيفك عَلَيْ وآنه اسحبْ السيف
چذب ونگول ها خوتي انولينــــه
حته الناس مِن تسمع تجي اركاض
ونِگِلْ لليعترض شعليك بينــــــــه
كُبَرْ بينه العِشگ من چِنَّه عقــّـــالْ
ومِن كُثر ِ المحبه اتسودنينـــــــــه
عِشگ تالي عُمُر يعني سوادين
خذانه بروجْنَه وبلوَه ابتلينــــــــه
بــــِدينه من الستاره اندستر الخيط
يعني من السگف إحنه بِديــــــنه
اومِنْ تم البناء اولامَس الگــــــاع
تِلاصَفْ شِيبنَه ومِنــــَّه استحينه
ورجعنه اعله الطفوله اولعب الاطفال
تِزاعَلنه او تِفارَگنــــــــــه او بچيـــنه
وهِجمنه اعله المرايه العِكستْ الشيب
او لِگينه احفادنه تضحك عليــــــنه
رد مع الإقتباس