الموضوع: << ديوان الشاعرة غريبة الدار ... وجع غربة >>>
عرض مشاركة واحدة
قديم 10-21-2010, 04:21 PM
المشاركة 16
الصورة الرمزية ساره الودعاني
ساره الودعاني
كاتبة وأديبة سعودية

اوسمتي

  • غير موجود
افتراضي


تعبت أسامح


ندور وكل مافي ذا الوجود وذا الحياة يدور
حياه نعيشها هذا عرف قصده .. وذا غادي

نحاول في الأماني ويتكرر كل يوم الدور
سباق نهايته مابين باكي وآخر شادي

عسى ربي يهون عبرة بالخاطر المكسور
لها عامين مسجونه مابين العين وفوادي

يجض القلب منها جضة اللي بالمنى مجبور
سبايب سجنها من خوف عدواني وحسادي

تعبت أسامح الأيام واقول الزمن معذور
تعبت أشربها سكر .. حظي المتعوس وانكادي

على نفسي كذبت وعشت في كذب الأماني شهور
وعايشت الأماني .. لين ذقت الغبن وسهادي

وبدا ميلاد قلبي من عرفتك بالبها والنور
وتباهيت بطلايع طلتك في يوم ميلادي

هو اليوم الوحيد اللي ترك فيني وفا وشعور
وهو اليوم الوحيد اللي حرمني روعة أعيادي

وفاق القلب من حلم تنثر وآخره مبتور
على صوت الحقيقه والفلاح يصيح وينادي

ورجعت لخالق يجعل نهاياتنا فنا وقبور
وطلبت العفو من وجه الكريم المشرق البادي







خُــلــقــت حــواء مـــن ضـــلــع { آدم }

لــذلــك { هـــي } لا تـــشـــعــــر بـــالأمــــن حـــتـــى

يــــضـــع رأســهـــا عــــلـــى صــــدره !!!