الموضوع
:
لا تجينه // الشاعر الكبير عريان السيد خلف
عرض مشاركة واحدة
احصائيات
الردود
3
المشاهدات
5652
أميرة الشمري
من آل منابر ثقافية
اوسمتي
مجموع الاوسمة
: 3
المشاركات
3,993
+
التقييم
0.70
تاريخ التسجيل
Aug 2008
الاقامة
في قلب العراق
رقم العضوية
5491
07-02-2012, 10:24 PM
المشاركة
1
07-02-2012, 10:24 PM
المشاركة
1
Tweet
لا تجينه // الشاعر الكبير عريان السيد خلف
لا تجينه ..
لاتجينه .. جان كَلت ابوجه الابيض ..
غير معشركم لكَينة
جينة مشتاكَين .. وبلهفة ..
او تسد بابك علينه
جينه ايدفعنه الهوى .. اودمعاتنه
اتكَطر بدينه
اوجنت اظن عندك وفه .. اورحية
من فرد طينة
غمكَت جرح الجفة .. اوزدت ..
الكَلب ونه لونينه
اعتب اعله الروح .. جي لنها اعله ..
ريحتكم حنينة
واعتب اعله الشوك .. والعشرة ..
اوسوالفها الحزينة
علمتني شلون يتبره .. الخوي ..
اوحمل اليكَع محد يعينه
عفية صحبة هالوكت ..
بيها اليجافي .. اشوكح عينه ..
او لاتجينه .. !!
- ما اجيكم واليدك
بابك ، بعد تنشل يمينه
او جينه .. مدري الجدم زل بينه
العه دربك .. لو عمينه
اوجيت ارد اروحي .. البكَت سنتين
بديارك رهينه
اوجني ضيف ! او عادت الينضاف ..
للخطار .. يرخص ماي عينه
وانته .. ما جنك ربيت ابماينه ..
او شارب حنانه
وانكرت حتى العرف ..
يوم الوكت .. .. بيدك رمانه
عفيه كَلبك هلبت ابساعه .. وفه
.. ابالك طرانه
او جينه نشجيلك .. عذاب اجروحنه
.. او لوعة هوانه
آخ .. يا دمعك فلا يبطل .. يهل ..
لمن عمانه
يا عفه اكَلوب التشيل .. الظيم
وشنحمل عفانه
او حتى اعز الناس من طحنه ..
ابهظم جاروا علينه
:او من وصلنه الدارهم كَالوا
اشجابك ؟. لا تجينه
عفيه صحبة هالوكت بيها اليجافي
اشوكح عينه
"الشمس أجمل في بلادي من سواها
والظلام
حتى الظلام هناك أجمل
فهو يحتضن العراق"
السياب
رد مع الإقتباس