الموضوع: كشكول منابر
عرض مشاركة واحدة
قديم 01-16-2016, 06:48 PM
المشاركة 1799
الصورة الرمزية ناريمان الشريف
ناريمان الشريف
مستشارة إعلامية

اوسمتي
التميز الألفية الثانية الألفية الرابعة الألفية الثالثة الألفية الأولى الوسام الذهبي 
مجموع الاوسمة: 6

  • غير موجود
افتراضي
بطلت أسميه وطن
بدي أسميه ... سمة بدن !!
*********
قال شوقي في قديم الزمن :
عصفورتان في الحجاز حلّتا على فنن
في خامل من الرياض لا ندٍ ولا حسن
هكذا قال شوقي .. قبل عقد ٍ من زمن
آه ه ه ه ه منك يا زمن
تعال يا شوقي شوف شو عم بصير بالوطن
ع المكشوف تع تنشوف ماذا حلّ بالوطن
صار اسمه بعد الربيع ...
( سمّة بدن )!!
..
.
.
(( دويلتان في بلادي ... نامتا على فـِتن
ودولتان انشقتا في موعد مع الوَسَن ( الوسن : النوم )
في حاضرمن الزمن
لا وعي ولا فهم
نحن في آخر زمن ))
.
.
اسرائيل بتخدّر بالوطن ..
زي السوس بتنخر في العظم
وأمريكا بتحمي السوس وبتتكاثر كالورم
وروسيا بتستغل الظروف وبتقصف قصف بهالوطن
.
.
وبشار - يا للعار -
وحزب الله - يا الله -
كله بينهش ب الوطن
...
دولة بتغازل ايران ..
وبتمنع الحكي والملام .. وبتقطع العلاقات من هان وهان
والعربان .من كل مكان .. بغنوا للوحدة
وبيحلفوا بنفس القسم ... وعلى كأسك يا وطن !!!
آخ منك يا زمن
.
.
دول كبارفي التحالف ..
صح لسانهم
يغلطوا .. - ما يخالف -
يسد أنفاسهم
نازلين ضرب مرة بصنعاء ومرة ب عدن
اليمن السعيد صار تعيس
على ايديهم خرب اليمن .
.
.
أطفال جوعانين ..
وغيرهم بردانين
وبعضهم مصابين
والباقي معاقين
والرؤساء قلقانين ..ومش مهتمين
والأطفال وحدها.. بتدفع الثمن
.
.
.
واسرائيل الها باع بكل مصيبة بهالوطن
بتعمل فـُرقة .. وبتقسّمنا لألف فرقة
واحنا ما عنا اعتراض ..
بطلنا من أهل الضاد
مليانين بالأمراض ..
هذا سين وهذا صاد
هذا سنّي وهذا شيعي ..
وهذا كردي مش طبيعي
هذا مدني وهذا قروي
وهذا حوثي وهذا علوي
كله كله صار ضدي .. ما عدا الصهيوني زندي
وعمّاله بياكل بالوطن
.
.
والربيع صار خريف
والكلام الصح خراريف
وصار الصح كله غلط وعلى هيك وقف الزمن
..
رئيس مخلوع
والتاني مخدوع
وغيره خايف ومخبوع
ورئيس هارب ماله رجوع
ورئيس مكبل في السجن
....
رئيس قاعد ولا عباله ..
غبي واهبل نياله
المهم يطعمي عياله
وينهب قديش بقدر وبسحب من دم الوطن
.
.
واحد شاهد على العصر
واحد أكل خيرات مصر
والموت في السجون بلا عد ولا حصر
وريسهم شايف الأوضاع وبعدّ الموتى من القصر
اسرائيل بتستغل الفرص
وفي المحافل بتبكي بحرقة وغصص
وحديثها بقطّع القلب كل ألم كله حزن
زعلانه ع أكم خنزير..
ولسه بتبني المستوطنات .. بإيدين ولادنا ..
كل بوقف ع التفتيش
ما بعدّي بدون تفتيش .. الاّ الأهبل والحشّيش
واشي واقف ع الحاجز
واشي صار من الذل عاجز
واشي عاش واشي مات
واشي حوّش ب الألفات ما له علاقة بالوطن ..
الله يعينك يا وطن
.
.
.
شو رح يصيربالوطن
وين رح نوصل غداً
واللي بحكي بالموضوع ..
كلامه سمّ مش مسموع
بعتبروه غبي ومعاق أو موجوع
وبحكي كلام غير مشروع
ومصيره الضرب والسجن
وبعد كل هالمصيبة
المراجل ثلث الهريبة
.
.
بدي أسمي هالوطن
بس
( سمّة بدن ) !!!