الموضوع
:
حملة تبرّع!
عرض مشاركة واحدة
احصائيات
الردود
5
المشاهدات
1868
جورج جريس فرح
من آل منابر ثقافية
المشاركات
149
+
التقييم
0.03
تاريخ التسجيل
Jan 2009
الاقامة
رقم العضوية
6258
02-04-2022, 10:00 AM
المشاركة
1
02-04-2022, 10:00 AM
المشاركة
1
Tweet
حملة تبرّع!
حملة تبرّع!
جاني صاحب من يومين،
مشحون بأريَحيِّة
يحكي إنو صاحبتو عِندها قِطّة محظيّة
بس القِطّة مرضانه ولازم تمرق عملية
تكلفتها بالدّولار خَمِسة آلاف وميّة..
بدّو مني التبرَّع ومَدِّ الإيد السّخيّة
فَكَّرتو حابب يمزح،
تاري القصّة جدّية...
***
أنا عندي بجنابِ الدّار
عشرين قِطّة نوعيّة
بعدّة أشكال وألوان:
سودا وشقرا وبُنِّيِّة،
مرقّط ومخطّط كمان،
وفيهن وحدة سياميّة...
وكل عام الغَلِّة بنيسان
فوج جديد وكميّة...
***
في ناس بتصرف عَ بساس
وبتخصّص ميزانيّة،
فاكرين يعني كل الناس عايشين برفاهيّة؟
أنا جيبي على قد الحال،
لا بُخل ولا سوء نيّة،
شيخوخة ووقفة أشغال،
لا في روحة ولا جيّة
وحتى لو جيبي مليان،
بختار الأولويّة
أكسي شي ولد عريان
وأبعد عنّو الأذيّة
قبل الرفق بالحيوانْ اِرفق بالإنسانيةْ
***
قال شو؟
قال بزعل مني وما بعود يحاكيني...
يا أخي البقرة الرابطها خذها وحَلحِل عن ديني،
على بسّة موجّع راسك
ونازل تتخلّق فيّي
أنت حرّ بإحساسَك،
ما فيك تفرض عليّي.
رد مع الإقتباس