إيه اللي فينا مش تمام؟
خطوة بتنكّد فرحنا
وتصاحبنا بالألام
ليه ما بيننا وبين الدنيا
حرب ؟
ليه في عز الفرحة
نتلوث بكرب ؟
لو بدينا
مش بتكمل رحلة لينا
إلا بغلب ؟
ليه علينا قلبه قاسي
الحظ جدا؟
ليه مسكنّنا التعاسة والهموم؟
ليه مشيطن طبعنا؟
ليه مفرّق بيننا والأحلام؟
ليه مالينا حسرة واكتئاب؟
ليه يا خالق الخلق
مافتحتش لروحنا
نحو ضي الرحمة باب؟
ليه يا رب الكون نهون ؟
هي فين الضحكة
والضل الحنون ؟
إيه اللي خضنا في ترعته
وعقوبته كانت
ذلنا؟
تكسر قلوبنا الدنيا ليه؟
واحنا بننادي الصباح