الموضوع: كشكول منابر
عرض مشاركة واحدة
قديم 08-30-2021, 12:26 AM
المشاركة 3384
الصورة الرمزية ناريمان الشريف
ناريمان الشريف
مستشارة إعلامية

اوسمتي
التميز الألفية الثانية الألفية الرابعة الألفية الثالثة الألفية الأولى الوسام الذهبي 
مجموع الاوسمة: 6

  • غير موجود
افتراضي رد: كشكول منابر
قصة مؤثرة بالعامية الفلسطينية

ناسي اسمه...بس؟؟؟؟

عمره ٨٠ سنة ، أصابته من فترة جلطة تركت عنده أثراً في ذاكرته وتركيزه

خلصنا كشف عليه وكتبنا له تقريراً لدكتور الأعصاب
بسأله : شو اسمك يا حج ؟
قال : مش متذكر

تطلعت في ورقة الكشف وعرفت اسمه ، وطلعت برا أنادي : مين اللي مع عم فلان ؟
ما حدا رد

قلتله : في حدا معاك يا حج علشان تروح معاه ؟
قال : اه سعاد برا
وبدأ ينادي بصوت عالٍ : سعاد
وقام يمشي لوحده ، خفت عليه يضيع عن زوجته ، ورجعت أنادي على زوجته ، وكمان ما فيش فايده !

بدأ يتوتر أكثر ، وينادي بخوف شديد مثل الطفل اللي فقد أمه : انتي وين يا سعااااد ؟
سعااااد ... سعااااد
وانا بدور عليها معه علشان أخفف من توتره ، وفجأة ظهرت !
سألتها : ليش هيك يا حجة رحتي وتركتيه ؟كان راح ينجن عليكي !
قالت : آسفة .. والله كنت بجيب أوراقه من السيارة .

ودخلت عليه .. وهنا كان تأثري الأكثر بالموقف .. صار يبكي بشدة مثل الطفل
ليش تركتيني .. ليش تركتيني ؟
قالت : أنا آسفة والله يا حبيبي .. كنت بجيب ورقك..( وتقبّل رأسه ويده )
وهو مستمر في البكاء .. ما تتركيني لوحدي مرة ثانية
وهي ... أنا مش رح أتركك أبداً
واستند عليها وخرجوا ...

يا سلام لما الإنسان يكبر يلاقي حب حياته دايماً جنبه !
هو أحسّ أنه صار وحيد من غيرها ، و رح يضيع ؛ ف هي كل شىءٍ بالنسبة له...

متذكر اسمها .. وناسي اسمه !!

كل علاقة تُبنى على الوفاء والإخلاص ؛ بتظل تنبض بالحياة لآخر لحظة

اوعى تقولى : ذهب ، وشقة ، وأثاث ، وفلوس !
أو أنتَ تقول : بدي مواصفات وجمال وعيون ملونة

المودة والرحمة ..أهم
المودة جاية من كلمة ود ؛ ومعنى ود : الحب
الزواج مبنى على :
( الحب + الرحمة ) .. ( مودة و رحمة )

فعلاً لازم نختار صح .. و صح كثير لأن هذه علاقه ربنا ، خلقها كلها رحمة ، ولازم نختار الإنسان اللي يسندنا فيما بعد .. وهو الإنسان اللي راح يموت وهو بجانبنا .